الملوخيه اكله مصريه سهله وكلنا بنحبها لاكن لكل بلد طريقه لعميلها عشان كده حبيت اعملهالكو بطريقتنا في مصر وان شاء الله تنول اعجاب الجميع
مكونتها
كيس ملوخيه – كوب ونص شوربة فراخ – توم -كسبرة ناشفه – ملعقه سمنه
بنحط الشوربه علي النار ونبشر طمطمايه صغيره فيها
وده علي حسب الرغبه ممكن تستغني عنها
واول ما الشوربة تغلي حطي الملوخيه عليها وقلبيها
في نفس الوقت تكوني بتحمري الثوم
اول ما يحمر حطي عليه معلقتين كسبره ناشفه وقلبيهم مع بعض
واول ما يتحمرو انزلي عليهم بالملوخيه السخنه
ولازم تسمعي طشة الملوخيه
وبعدين قدميها مع رز بالشعريه وفراخ محمرة
وبالهنا والشفا
