انهرده هنعمل مع بعض مكرونه بالبشامل بطريقة خفيفه وجديده
مكونتها
مكرونه بنا – لحم مفروم – بصل – ماشروم -موتزاريلا
مش هقولكو دلوقت طريقه البشامل عشان هو دا المفاجئه
بتحطي البصل واللحمه مع بعض انا بحب احط معاهم بشر جزر دا حسب رغبتك وسيبيهم يستو مع بعض من غير اي دهون ولا مايه
اول ماالمفروم لونه يتغير حطي الصلصه والماشروموزودي
نص كوب مايه وسيبيهم يتسبكو
اسلقي المكرونه مع شوية ملح وحطي نص الكميه
في صنية الفرن
وبعدين اللحمه اللي سبكناها وفوقها الموتزاريلا
وبعدين الكميه اللي فاضله من المكرونه ورشي
فوقها الموتزاريلا
نيجي بقا للبشامل وهو دا السر مش هنعمله بالدقيق والسمن
زي ما احنا عارفين
هيكون بالنشا واللبن زي المهلبيه
هتغلي اللبن وحطي فيه الملح والفلفل وانزلي عليه بالنشا
حوالي 4 معالق مدوباهم في ربع كوبايه لبن
وحطيهم علي الوش ورشي عليهم شوية موتزاريلا
ودا شكلها بعد ما خرجت من الفرن
شوفتو ازاي خفيفه بدون اي دهون ولا دقيق يلا جربوها
وبالهنا والشفا حبيبات سحر الحياة
