طريقة عمل الكريب بالفراخ من مطبخ
أم سلمي
مقادير الكريب
كوب دقيق وكوب ميه وبيضه وملح وفلفل يضرب كله مع بعض وناخد منه كبشه وعلي طاسه سخنه ونوزعها في الطاسة واهم حاجه تكون طبقه رقيقه نخلص الكميه كلها ونغطيها علشان متنشفش
اما عن خلطه الفراخ فانا قطعتها صغير وسخنت طاسه قوي حطيت معلقه زيت ونزلت بالفراخ وشوحتها كويس وبعدين ضيفت البصل والتوابل عبارة عن ملح وفلفل وتوم وبصل بودرة وبابريكا وجنزبيل ونقلب ولما تستوي نضيف فلفل رومي وناخد جزءمن الخليط ونضيفله فلفل حار وبس
هنجي بقي للحشو نجيب الكريب ونحط الفراخ وعليها جبنه موتزاريﻻ ورومي وزيتون اسود شرايح ونقفل علي شكل مثلث وبعدما نخلص الكميه نحط الكريب علي طاسة سخنه جدا لغايه ما ينشف شويه
