اهداء الى كل أم مصرية وعربية 
تسمحيلى
يا اللى طول عمرك دليلى
مهما كان الليل طويل
يااللى دايمآ بترسميلى
ميت نهار والدنيا ليل
أمى حب الكون دا كله
جنب حبك شئ هزيل
أمى ممكن تسمحيلى
اعترفلك بالجميل
واشتكيلك ضعف حيلتى
جوه حضنك يامة شيلتى
لا اشتكيتى فيوم وقولتى
مهما حملك كان تقيل
أمى نبع الحب انتى
نهر حبك سلسبيل
انتى أمى أبوية عيلتى
فى الوجود مالك بديل
والحياة من غيرك انتى
تبقى ضلمه ف عز ليل
وأبقى ظالمة لو مكنتش
أعترفلك بالجميل
كلمات واهداء من الشاعرة نادين حسام 12 سنة ادارة عين شمس التعليمية لكل أم في يوم عيدها
