كفوفى صغيرين
بعتذر منك يا بلدى
فكل وقت وكل حين
نفسى أعمل ليكى حاجة
بس ايدى قصيرين
دى كفوفى ، بصى شوفى
أد اية صغيرين
والصوابع لسه نونو
جسمى حتى مخدش لونة
عمرى لسة يادوب سنين
شايفة ليه حيرة ف عيونكم
وانتوا لية مستغربين
أنا ابقى مين
اسمى حنين
بنت زى كتير بنات كانوا محتاجين
يمدوا ايدهم للوطن
شايلين على كفوفنا الكفن
ما أخويا قبلى أهو اندفن
قولتوا ابن مين
طب بلدة فين
عزيتوا أهلة يادوب بكلمة ودمعتين
أما أنا : أنا بنت مصر
يعنى الحنين، يعنى الأنين
وحق بلدى مش هسيبة
لو غاب سنين
كلمات الشاعرة
نادين حسام 12 سنة ادارة عين شمس التعليمية
