بقلم: هشام الشاطر
رقة الاحساس في قلبك
متعودة تخليني اسهر جمبها
بتشاغلني تملي عينك
وتصارحني بحبها
حالفة تشبك الف خيط
يربط ما بيننا
دايما تقول اني السنين
اللي عاشتها في عمرها
رقة الاحساس براءة
شئ ماهوش سهل نلاقيه
حاجة تشبه للجراءة
وسط جبن بنشتهيه
حاجة فيكي بتترسملي
صورة أشبه بالخيال
دايما اما افضى بتملي
قلبي باللي تحني بيه
راضي اكون شحات فقير
وانتي لقمة تسد جوعي
راضي اعيش مسجون في بير
وانتي خطواتي لطلوعي
طمنيني واحضنيني
عيشيني ساعات في حبك
خلي احاسيسك تدّفي
برد بيكسر ضلوعي
