لسه ياامـــه…..
……………….
لسه ياامه فى عنيا مكبرتيش
فاكر منديل شعرك وعنيكى
فاكر دعاكى ومدت ايديكى
وهى ممدودة لسابع سما
بتقول يارب خليلى ولادى
يارب نولهم الل فى بالى
فاكر وانتى يدوب بتزوقى
برجلك باب الصبح
تقومى تعجنى
وتغسلى
فى طشطك كل الأحزان
تملى الدنيا بضحكه جنان
تغنى صوتك يخلى النخل يطاطى
اسرح فيكى أنسى كل الماضى
لجل شايف فيكى بكره اللى جى
وأنتى لسه متعبتيش
ومازهقتيش
فمتخافيش
علشان لسه ياامه
أنتى فى عنيا مكبرتيش…..
………………………….
#شعر ..شريف الهمامى
