يا حبيبى عيب حبه اختشوا
وبلاش بعينكوا تنتشوا
فاكرينى من بره البلد
جاين معايا تدرشوا
ياحبيبى عيب حبه اختشوا
وانت يا شاب يا مسخره
يا ابو توكه فى الشعر ورا
ريح دماغك من الكلام
بطل شويه نئورا
وانتى يا حلوه يا جوهره
اقصد يا شاب يا سكره
ليه بنطلونك ده سقط
والرقعه فيه متزهره
وانت يا عجل وهرب
من سلخانه فيها انضرب
روح لمامتك تغسلك
ماسك فى جسمك الجرب
وابو رجل بيضه مسلوعه
على طول شجره مفرعه
بشبشب فى رجلى هضربك
يا تخف حبه المرقعه
يا حبيبى عيب حبه اختشوا
شوفولكم غرزه و حششوا
انا حاجه صعب مضلعه
واللى هيغلط هكرشوا
يا حبيبى عيب حبه اختشوا
وبلاش بعينكوا تنتشوا
فاكرينى من بره البلد
جاين معايا تدرشوا
بقلم محمد البلاط
