آخرة التوهه…
شعر..شريف الهمامى
شعر..شريف الهمامى
وانا الل بادن ولكنى مابصليش
وانا الل جوايا كلام ولكنى مابحكيش
وانا الل عرفت الوجع ولكنى مابشكيش
ياآخرة التوهه
عرفينى آخرة طريقى
مانا عاشق ليوم التوبة
والمس الارض بجبينى
ياآخره الترحال
وصلينى ليوم جبالى
مانا الجمل والجمال
وراضى بكل احوالى
ياروح…
سايق عليكى الهوى ومشواره
دوقينى فى يوم العسل وشيلى مراره
دا انا الل عشقت السفر ودوقت مر ترحاله…
