قصيده بعنوان : يا بارانويا
بقلم : إخلاص عبد المحسن
يا بارانويا يا بارانويا
منين ما امشي بلاقيكي
كدب على نفسه صدقها
ماهو البركه بقا فيكي
عملتي معاه دماغ عاليه
قفلتينا من الموضوع
فشاف نفسه في مكانه عاليه
طلع فيها و فردلي قلوع
نافش ريشه فاكر نفسه أبو العريف
و من جواه خاوي و مليان زيف
يسمي نفسه قال دكتور في ايه ماعرفش
أخصائي و برضو في ايه أنا ما افهمش
و ده نفسي و ده روحاني
و ده مدرب علوم ألماني
و ده كاني و ده ماني
و م البارانويا آه ياني
يا بارانويا أقولك إيه
خليتي اللاشيء سعادة البيه
و جبتيله بشر شبهه بتنفخ فيه
تطبل له تسقف له تقول له هيه
نفاق في نفاق و في النص الجمال تايه
و مش لاقي اللي بيه يشعر و بيه يهتم
يا بارانويا خنقتينا من البلالين
قلوبنا من الهموم تعبت دي حاجه تغم
حقولك إيه يا بارانويا
مفيش عندي كلام تاني اقولهولك
و اعيدهولك
غير اني بس اهنيكي
نجحتي في فساد أمه بأكملها
بحييكي….!!!!!!!
