رساله الي عادل امام
كتب غاده شبراوي
رساله الي عادل امام ولاني من جمهور عادل امام وفرحانه بتواجده علي الساحه كل رمضان بمسلسل كوميدي واصراره علي اكتشاف شباب جديده وروح جديده وياريت كل النجوم يعملوا زيه _والحقيقه انا كنت بشوف اعاده لمسلسل صاحب السعاده سالت نفسي هو عادل امام ليه مش بيفكر يأمن مستقبل ولاده طبعا كلكم دماغكم وديتكم للفلوس لا اكيد هو عامل حسابه انا بتكلم معقول ماجاش في باله ولا دماغه ان الوسط الفني مالوش امان وللاسف طول ماانت ناجح وبتشتغل هتلاقيهم حواليك وفي خدمتك وخدمه ولادك والمجاملات طبعا ياسلام عليها لكن لاقدر الله لو حصل لك اي حاجه كله هيتفض من حواليك سؤالي للفنان الكبير عادل امام هو رامي امام من غير عادل امام هيشتغل اي ليه مافكرتش انه يشتغل مسلسل من غيرك علي الاقل يتواجد داخل الوسط الفني ويثبت وجوده ايوه مما لا شك فيه هو ناجح بس لازم تعمل حسابك الدنيا مش دايمه وربنا يطول لنا في عمرك وتسعدنا كمان وكمان بس حبيت افكرك ان زمنا ده مش حلو في بس سؤال تاني هو يوسف معاطي هيشتغل اي لو فجاه قررت انك تشتغل مع حد تاني وشكرا غاده شبراوي
