بريدالقراء أعداد:هويدا صابر
البعض مننا أحيانا بيصادف في حياته ناس بيكون هدفهم الأول والأخير أزاي يكرهوه في شكله بأستخفاف وأستظراف ، من غير أي أحترام لمشاعر الانسان دا ، المشكله الأكبر لما يكون الشخص دا من أهلك وليل نهار يسمعك الكلام دا شئ مؤسف فعلا أصل الإيذاء النفسي دا أسوء أنواع الإيذاء ، وفي قصه حقيقيه حصلت في الهند أتعملت فيلم لشاب في الجامعه أتعرض لأساءه من زمايله عملتله صدمه ووالده عالجه سنين بلافائده.
دي تجربة الأستاذه ر س:
أنا عندي دلوقتي 30 سنة شكلي مقبول مش وحشه ، أتقدملي واحد قريبي والحمدلله أحنا دلوقتي متجوزين وسعداء جدا ومتفقين مع بعض ، كل مشكلتي في الحياه أن أمي دايما تحسسني أني مش حلوه وتقولي بصي لشكلك في المرايه ، أنتي هتعنسي جنبي أنا مش عارفه انتي طالعه كده لمين علي رأي المثل بنت المليحه فضيحه وعلي دا الحال ليل نهار والله كنت ببكي وبحس بحرقه في قلبي ، ولما كانت تلاقي بنت من صحباتي حلوه تقولي أنتي ماشيه معاها أزاي أمشي مع الأوحش منك عشان تلفتي النظر ، وهكذا لحد ماخسرت بسببها صديقات عمري لأن في خطوبتي علي قريبي رفضت أني أعزمهم وقالتلي أزاي في خطوبتك يجي صحباتك عايزاهم يغطوا عليكي هيبقوا ملفتين أكتر منك وطبعا يوم خطوبتي وكانت في نادي معزمتش حد منهم زعلوا ولما سألوني قولتلهم سامحوني ماما رفضت وقالتلي كذا ، بعدها أخدوا مني جنب وبعدوا عني ، كلام أمي دا هز ثقتي في نفسي جدا وأللي كانت بتساعدني واحده من صحباتي وتقولي أعمل أيه وأتكلم أزاي مع خطيبي وغيرت أستايل لبسي وكل حاجه وهي سبب رئيسي في أني أكون واثقه من نفسي ولايفرق معايه كلام أمي وهي الوحيده أللي كانت أكتر واحده بتخاف منها أمي وتخوفني منها وتقولي دي أللي هتلطشه منك لأنها عارفه بيحب ايه ومبيحبش ايه ، علي رغم من أنها بنت ناس ومحترمه جدا وفضلت معايه لحد ما أتجوزت بالنصايح وطبعا لاحضرت فرح ولا دخلت بيتي وهي كانت فاهمه دا كويس جدا وهدية جوازي أديتهالي في الشغل وقالتلي لو محتاجه حاجه قوليلي ، ولما سابت الشغل علاقتنا اتقطعت ، أنا مش هربي بناتي علي كده طبعا ، لكن أنا لما بفتكر الأساءه وبفتكر أني خسرت صديقاتي وخصوصا أعزهم بحس بضيق وحزن ، وعلي فكره أمي من فتره لتانيه ترمي كلمه بس أنا بكبر ، الحمدلله
علي كل حال يا استاذه. أختي الكريمة:
دا شئ مؤسف جدا خصوصا أنه من مصدر القوه والسعاده لأي بنت في الدنيا أمها ، لكن أنتي فعلا محظوظه بصديقتك أللي كانت معاكي لحد موصلتك لبر الأمان وأنتي عيشتي حياتك الجديده وأنشغلتي فيها ودلوقتي بتفكري في الماضي أللي مش هيرجع خلاص ، وصديقتك ذكيه وعارفه أنها قامت بدورها معاكي ولو فضلت أكتر من كده هيكون في مشاكل ليها فأنسحبت بهدوء ، أنتي دلوقتي حاولي تنسي الماضي دا كله وبدأي مع أولادك أحتويهم وزوجك ربنا عوضك بيه وأنتي سعيده معاه جدا وربنا يديم السعاده بينكم ، الكلام أللي بيأذينا نفسيا لما يكون من غريب هنرد عليه أو هنبعد عنه أصله مش هيفرق في حياتنا لكن دي أمك والأم أم مهما كان سامحيها ، وياريت تجربتك تكون أنذار لكل أنسان سواء قريب أوبعيد أو حتي عابر في الطريق ممكن يقول كلمه تريقة بأستظراف لأنسان تجرحه وتأذيه نفسيا وممكن تدمر حياته كلها لكن رب العالمين أستحاله هيغفل عنها ، بسم الله الرحمن الرحيم ولا تنابزوا بالألقاب ، وأسأل الله لنا جميعا بالهداية وحسن الأخلاق.
دي تجربة الأستاذه ر س:
أنا عندي دلوقتي 30 سنة شكلي مقبول مش وحشه ، أتقدملي واحد قريبي والحمدلله أحنا دلوقتي متجوزين وسعداء جدا ومتفقين مع بعض ، كل مشكلتي في الحياه أن أمي دايما تحسسني أني مش حلوه وتقولي بصي لشكلك في المرايه ، أنتي هتعنسي جنبي أنا مش عارفه انتي طالعه كده لمين علي رأي المثل بنت المليحه فضيحه وعلي دا الحال ليل نهار والله كنت ببكي وبحس بحرقه في قلبي ، ولما كانت تلاقي بنت من صحباتي حلوه تقولي أنتي ماشيه معاها أزاي أمشي مع الأوحش منك عشان تلفتي النظر ، وهكذا لحد ماخسرت بسببها صديقات عمري لأن في خطوبتي علي قريبي رفضت أني أعزمهم وقالتلي أزاي في خطوبتك يجي صحباتك عايزاهم يغطوا عليكي هيبقوا ملفتين أكتر منك وطبعا يوم خطوبتي وكانت في نادي معزمتش حد منهم زعلوا ولما سألوني قولتلهم سامحوني ماما رفضت وقالتلي كذا ، بعدها أخدوا مني جنب وبعدوا عني ، كلام أمي دا هز ثقتي في نفسي جدا وأللي كانت بتساعدني واحده من صحباتي وتقولي أعمل أيه وأتكلم أزاي مع خطيبي وغيرت أستايل لبسي وكل حاجه وهي سبب رئيسي في أني أكون واثقه من نفسي ولايفرق معايه كلام أمي وهي الوحيده أللي كانت أكتر واحده بتخاف منها أمي وتخوفني منها وتقولي دي أللي هتلطشه منك لأنها عارفه بيحب ايه ومبيحبش ايه ، علي رغم من أنها بنت ناس ومحترمه جدا وفضلت معايه لحد ما أتجوزت بالنصايح وطبعا لاحضرت فرح ولا دخلت بيتي وهي كانت فاهمه دا كويس جدا وهدية جوازي أديتهالي في الشغل وقالتلي لو محتاجه حاجه قوليلي ، ولما سابت الشغل علاقتنا اتقطعت ، أنا مش هربي بناتي علي كده طبعا ، لكن أنا لما بفتكر الأساءه وبفتكر أني خسرت صديقاتي وخصوصا أعزهم بحس بضيق وحزن ، وعلي فكره أمي من فتره لتانيه ترمي كلمه بس أنا بكبر ، الحمدلله
علي كل حال يا استاذه. أختي الكريمة:
دا شئ مؤسف جدا خصوصا أنه من مصدر القوه والسعاده لأي بنت في الدنيا أمها ، لكن أنتي فعلا محظوظه بصديقتك أللي كانت معاكي لحد موصلتك لبر الأمان وأنتي عيشتي حياتك الجديده وأنشغلتي فيها ودلوقتي بتفكري في الماضي أللي مش هيرجع خلاص ، وصديقتك ذكيه وعارفه أنها قامت بدورها معاكي ولو فضلت أكتر من كده هيكون في مشاكل ليها فأنسحبت بهدوء ، أنتي دلوقتي حاولي تنسي الماضي دا كله وبدأي مع أولادك أحتويهم وزوجك ربنا عوضك بيه وأنتي سعيده معاه جدا وربنا يديم السعاده بينكم ، الكلام أللي بيأذينا نفسيا لما يكون من غريب هنرد عليه أو هنبعد عنه أصله مش هيفرق في حياتنا لكن دي أمك والأم أم مهما كان سامحيها ، وياريت تجربتك تكون أنذار لكل أنسان سواء قريب أوبعيد أو حتي عابر في الطريق ممكن يقول كلمه تريقة بأستظراف لأنسان تجرحه وتأذيه نفسيا وممكن تدمر حياته كلها لكن رب العالمين أستحاله هيغفل عنها ، بسم الله الرحمن الرحيم ولا تنابزوا بالألقاب ، وأسأل الله لنا جميعا بالهداية وحسن الأخلاق.
إنهاء الدردشة
