بعد فوات الأوان.

بعد فوات الأوان.

بريد القراء أعداد: هويدا صابر

مش كل واحد فينا بيكون سهل عليه أنه ياخد قرار مصيري في حياته لأن حسابات كل واحد فينا بتختلف وقتها عن التاني ، دا غير أن كل واحد فينا عارف قدراته كويس جدا ويقدر يعمل أيه وميعملش أيه ، في منا بينهي حياه ويفتح صفحه جديده ويكون أقوي من أي ظروف ويقف من جديد ، وفي منا لا ميقدرش ياخد أي خطوه بسبب الخوف أنه مش هيكون لوحده لأن قراره دا مرتبط بمصير أشخاص غيره فبيقف متكتف محلك سر وتعدي سنه ورا سنه والمسؤليات تكبر أكتر وأكتر لحد ميوصل للأختناق وقرارالتغير يكون مستحيل لأن فات الأوان.

دي مشكلة السائلة ون :

السلام عليكم أنا متزوجه وزوجي علي طول من يوم متجوزنا شتيمه بألفاظ وحشه جدا ليه وبالأهل وكمان ضرب قدام أولادي ، وبسبب معاملته السيئه دي أنا أبتديت أمنع نفسي عنه فى حقه الشرعى وأسفه فى اللفظ دا لكن انا حاسه بكده بيعاملني زى البهيمه وأحيانا بيجبرني على الجماع معاه بالعافيه وبالضرب ، والمصاريف بالخناق لكن بيصرف ، انا بقيت تعبانه منه جدا ومش قادره أستحمل ومش قادره أطلب الطلاق لأن معايه خمس أطفال منه أكبرهم عنده 7 سنين بقول لنفسي هروح بيهم فين ومحدش بيستحمل حد في الزمن دا ، ومش عارفه أعمل أيه ولا أتصرف أزاي.

السائلة الكريمة: 

أنتي أتأخرتي جدا للأسف وبتقولي من أول متجوزنا وهو بالصوره دي متغيرش وأستحملتي وعديتي والغريب أنك في بداية جوازك كنتي أنتي لوحدك بتشوفي معاملته السيئه دي يعني كانت الشيله خفيفه لو كنتي خرجتي من البيت وقتها ، لكن أكيد كان ليكي حساباتك أللي بسببها كملتي حياتك معاه زي مثلا يقولوا أيه الناس عليه ملحقتش ورجعت بيت أبوها تاني بالسرعه دي وأطلقت وغيرها ، لكن دا بقي في طفل ورا طفل لحد مابقي في خمس أطفال ماشاء الله ربنا يبارك فيهم ويحفظهم ويكونوا عوض ليكي ، بعد دا كله بتقولي زهقتي وأعمل أيه وفي نفس الوقت أنتي متأكده انك مش قد الطلاق ولا مصاريف أولادك يعني محتاجه ليه علي الأقل مش كزوج لكن كأب لأولادك ، مفيش غير قرارين الأول تتطلقي وتشتغلي وتصرفي علي أولادك وتوفرلهم حياه كريمه مفيهاش مناظر تأذيهم نفسيا زي شتيمة وضرب أبوهم ليكي وهتكوني فيها الأب والأم ومن غير متتكلمي معاهم عن أبوهم بشكل سئ مع العلم عشان تكون الصوره بالنسبه ليكي واضحه أحتمال يرفض الطلاق فتلجأي للقضاء لطلب الخلع ونفقة أولادك منه ، مش هتقدري علي القرار دا رحم الله امرئ عرف قدر نفسه ولايكلف الله نفسا ألا وسعها ، القرار التاني أنك تكملي وتصبري عشان خاطر أولادك وتحتسبي عند الله وأدعي الله له بالهدايه وصلاح الحال وأستعيني بحد من أهلك يتكلم معاه أكتر من مره ويفهمه أن أولاده هما المتضرر الأساسي من أسأته ليكي قدامهم ، وتحاولي قدر الأمكان لما تلاقيه هيتطاول عليكي تبعدي عنه فورا ومتحوليش تعملي أي تصرف يستفزه فيتطاول عليكي أو يضربك ، وأحتضني أولادك لأنهم عوضك في الدنيا وهتلافي سعادتك وراحتك معاهم ، وأسأل الله لكي الهدايه وصلاح الأحوال والفرج.