الخروج عن المالوف (لاتكن برغوثا) ~
بقلم: شروق لطفي
من فترة وجيزة في مؤتمر علمي تم عرض تجربة عن البراغيث وضعت البراغيث في برطمان محكم الاغلاق وتركو حوالي يومين وتكاثرت البراغيث بعدها خرجوهم من البرطمان وكانت المفاجاة البراغيث الجديدة والقديمة فضلت تتحرك في حيز البرطمان يقفزوا ويتحركو فنفس الحيز لا يوجد برغوث يخرج مللي عن حيز البرطمان الذى كانوا فيه..
كام واحدة فينا بتعيش حياتها زيهم مبتخرجش عن المالوف عن المساحة المحدودة
كم منا بتسمح للغير انه يوهمها ان هو ده كل العالم
كم منا بتربي اولادها بنفس الطريقة خليك زي غيرك اقصي طموحها ليها ولاولادها هو اقصي طموح للمجتمع الذى ننتمي اليه نتبع معايير النجاح والفشل الذى يتبعها المجتمع
ابني ناجح فاشل متوسط بمعيار المجتمع وخصوصا المدرسة وكأن هما العالم باسره
ياتري لو حد فينا جاء اليه ابنه وسأله انا عاوز اخترع آلة زمن ؟؟!! هتبقي الاجابة ده ياحبيبي فالكرتون بس متصدقوش ضحك سخرية
بس كام منا هتقوله ابحث فعلم الفيزياء عن ابعاد الزمن وحاول تعرف ينفع ولا لا وانا هساعدك فالتعلم والبحث
ياتري مين اول شخص طرأت فعقله فكرة امكانية الصعود علي القمر انا شخصيا معرفوش
بس الاكيد انه لم يحيا حياة البراغيث المدرسة الشهادة العليا مش اقصي العلوم ولا اولها حتي… هي معايير ضيقة الافق وضعها المجتمع ليوهمنا ان عن طريقهم يتم اكتساب العلم
اخرجو عن المالوف
اوعي تكوني عونا مع المجتمع علي طمس فطرة ابنك وهي فطرة المعرفة..
الاولاد الزوج البيت العمل اولويات لينا بس مش محور العالم اتعلمي ادرسي ذاكري سافري افتكري حلم الطفولة وحاولي تحققيه
وهكون صريحة معاكي الخروج عن المالوف غير كافي ولكن كمان الخروج من منطقة الراحه هو الخطوة الاهم.. وللحديث باقية
وسعي افاقك
اخرجي عن المالوف
لا تكن برغوثا…
دمتم مختلفين
قسم هي وهو ~ رنا رضا
