بقلم نجلاء عبدالهادي
عيني كانت مليانه براح
بس انت ما عرفتش تقرا
نظراتك حودت عنها يا صاح
لعيون في العشق كانت ماكره
ياما ناديتك واترجيتك
ووهبتك قلبي يكون بيتك
وفرشت رموشي علي خدي
وطلبتك تمشي وتعدي
لبراح عيني لكن عينك
ما شافتشي الدمع اللي بيبكي
اديتك فرصه ورا فرصه
اتاريك كنت مجهز قرصه
وجعت قلبي وبكت عيني
خلتني لا سامعه ولا حاسه
واما اشعبطت في اوهامك
وسكت عن كل ملامك
فاكر برضه انك مظلوم
واني ظلمتك وادي كلامك
يا خسارة حب ما تستاهلوش
يا خسارة قلب ما حفظتوش
يا خسارة كل براح عيني
اللي نادالك لكن ما جيتوش
