عفوآ انها أمى
واحتفالكم مره بيها فى السنه
دا مش كفايه
بقلم / نادين حسام
أمى لما اتكرمت من ربنا
منزلش فيها بس آيه
دى سورة كاملة
وأما قال سيدنا النبى
ان الجنه تحت قدمها حق
لو هنحسن فى المعامله
أمى مش محتاجة شكرآ
واحتفالكم لو مجامله
فاسمحولى بقولها عفوآ
كلمة واحدة أو فى جملة
أمى بس حقيقه كامله
أمى بس حقيقه كامله وكل يوم هطلب رضاها
أمى طول العمر حامله همى طبعآ مش ضناها
أمى رب الكون حباها
أمى رب الكون حباها وخصها ف قرآن وسنه
أمى دى ع الأرض جنه وف السما ليها برضوا باب
أمى يامه اتحملت منى العذاب
امى شالت-أمى تعبت،أمى سهرت-أمى لعبت
أمى فرحت لما سمعت- عن دعاها المستجاب
أمى مش محتاجه حاجه- لا لهديه ولا لحساب
أمى مهما الكل غاب موجوده هيا
عايشه فيها قبل ما تكون عايشه فيا
الهوا بتنفسه- الدفا توب بلبسه
سهرانه عينها بيحرسوا خايفين عليا
أمى يا أجمل هديه، وهبها ربنا للوجود
مهما ضاق الكون عليا، حضنك انتى ملوش حدود
انتى تدى وأقول شويه، وبرضوا قلبك كان يجود
كات مشاعرك هيا هيه، مهما قلبى كان جحود
شوفتى منى كتير أسيه، غطتينى بالورود
طرح قلبك كان موده ، وطرح قلبى كان بارود
اغفريلى فى اللى عدا ، ومستحيل أبدآ هعود
لما ترضى ربى يرضا ، ربنا رحمن ودوود
ادارة مصر الجديده التعليميه
13 سنه
