بقلم : إخلاص عبد المحسن
بأي ذنب اتقتلت و حقي في رقبة مين
عدل و ميزانه اتقلب في شرع بني آدمين
بأي ذنب الروح تخرج قصاد مشروب
و الدم بدل الشاي أصبح كمان مسكوب
بأي ذنب يا أمي عليا تبكي عينيكي
و انتي اللي ياما تعبتي و ياما عشاني شقيتي
بأي ذنب خطيبتي
تفقد حبيب عمرها
و في لحظه تنهوا حياتي
و تبددوا حلمها
بأي ذنب!!!!!
بأي ذنب قولولي يمكن في قبري ارتاح
و ما اطلبش منكوا قصاص في آلام و لا في جراح
مش سامع أي صوت
و لا ليكوا أي إجابه
حالكم لسانه سكوت
و بتاكلوا حق غلابه
هو احنا صرنا في غابه؟!!!!!
هو انتوا صرتوا ديابه؟!!!!!!
و لا أنا بحلم!
و لا البشر نايمين؟
ردوا عليا يا ناس حقي في رقبة مين ؟!
