بقلم حسن أحمد
نفسى فى بنت عسوله
مش طمعان زى الصورة
وتقولى يابابا ياحبيبى.
وتقولى هاتلى شيكولاته
ولما انزل اروح على شغلى.
تقولى هات بوسه يا بابا
وكمان تحضنى وتقولى.
يا بابا يالله خرجنى
عايز اروح عند جدى.
اصله حضنه يابابا واحشنى
ويالله يابابا خرجنى.
ودينى الملاهى وحشتنى
وانا هبقا طاير من الفرحه.
اصلها بنتى وحته منى
اصل الاب تماللى حنين.
وبيبقا قريب من بنته
وفى وقت تعبى الاقيها جانبى.
بتقومنى وتسندنى
وتقوللى الف سلامه.
عليك يا اغلى ما عندى
ونفسى اوديها المدرسه.
واقولها خلى بالك من نفسك
ونفسى اشوفها وهى بتكبر
و تقوللى يابابا فطرنى
واخدها ونطلع على المطعم.
ويقولوا بنتك ماشاء الله
وكمان يجيلها عريس.
وتقوله عايزاك تطلع شبه بابا
فى حنيته وطيبته عليه.
اصل بابا اغلى ما عندى
واشوفها عروسه امورة.
وهى لبسه الفستان الابيض
وتقوللى يابابا هتوحشنى.
اقولها انتى حته منى.
واقول لحبيبها دلعها.
وخاف عليها واحتويها
اصل ماليش فى الدنيا
غيرها ومن حضنى ما تحرمها
اصل دى حته منى وبنت قلبى.
اللى كل ما بيدق يقول حبيبتى
