شعر شريف الهمامى
انا واخوايا طرحنا شباك حلمنا ف الهوا
ورغم انه ف الهوا صابته عين
وسمعت صوت الادان كبر
ويادوب اتوضيت لجل أصلى
لمحت جرجس كان فارد طيارته الل كانت من ورق
متعلق ف خيطها ف السما
ع قد مابتروح يروح ويطوح معاها ف الهوا
كان صوت جرس الكنيسه بيضرب ف قلوع قلبه
من مارى جرجس لبيت لحم
ودموع آنينه طالعه من ضلوع اللحم
واتقابلنا انا وهو ف مكان بعيد
وصلينا جماعه
أصل هو كان ميت وانا زيه كنت شهيد…
