شعر وحكاياتعام

اللي باقي م البلاد


        سيد صادق
اللي باقي م البلاد .. 
و هيبقى ورث للولاد .. 
لب ( سوري ) و فول ( سوداني )
و ف ( اليمن ) مليون شنب .. 
باعوا نصيبهم م العنب .. 
كله مجني وكله جاني 
ومين صح ومين فلح .. ؟! 
مين خسر ومين نجح .. ؟! 
دي ( الشام ) لو تزرع بلح .. 
يطلع بارود في ثواني !! 
كله مجني وكله جاني
متلغبطين و اللغبطه .. 
بتشدنا لأبعد بعيد .. 
التوهه كشفت سترها .. 
غوله و ليها الف ايد .. 
خدنا خلاص ع المرمطه .. 
و التكبيرات مش جايبه عيد !!! 
قلوب وحوش من غير عقول 
و الحمل زود ف الحمول .. 
عايزين نبي ولا رسول .. 
يكفينا شرها … 
و بلاش نعاني . 
كله مجني وكله جاني
متسلسلين ف سلسله …
ماسكه فينا ايد و رجل
سيبنا حبل ربنا …
و رجعنا تاني عبدنا عجل
بدل ما نزرع ف الامل …
بكل همه زرعنا فجل
قلوب وحوش من غير عقول 
و الحمل زود ف الحمول .. 
عايزين نبي ولا رسول .. 
يكفينا شرها … 
و بلاش نعاني . 
كله مجني وكله جاني

مدير قسم الادب والشعر 
علا السنجري

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock