يعنى ايه مبدئيا `علاقه سامه ` عارفين الناس الى بتاكل ‘ الضفادع ‘ بتطبخها ازاى ؟ لو مسكت ضفدعه وحطيتها فى ميه مغليه وسخنه مره واحده ايه لى هيحصل ؟ هتنط بسرعه وتهرب باسرع وقت ممكن ومش هتستحمل تقعد فى الميه المغليه دى ، ولذلك الناس الى بيطبخوها بيحطوها الاول فى ميه عاديه وبعدين تدريجيا واحده واحده يسخنو الميه لحد ما تغلى والضفدعه تتطبخ وتموت بدون ادنى مقاومه حتى !
ليه ؟ لان الضفدعه مش بتعرف تركز غير فى التغيرات الحراريه الكبيره حواليها ، لكن التغير التدريجى واحده واحده هو الى بياثر وبيخلى الضفدعه متدركش حتى انها بتتقتل بالبطيئ الا لما تموت . كذلك الناس الى فى العلاقات السامه ، مش بتدرك ايه الخطوره بتاعتها الا لما تبقى على وشك الانهيار او الدخول فى دوامه اضطرابات نغسيه لانه العلاقات السامه مش بيكون مكتوب عليها قبل الدخول فيها ” احذر دى علاقه سامه ” ومش بيدرك خطورتها الا بعد فوات الاوان .
1- اول علامه هى ‘ الشخصيه النرجسيه ‘ ، فى الحقيقه الشخصيه النرجسيه من العن واكثر الشخصيات المستهلكه والمدمره نفسيا سواء كانت صداقه او ارتباط او حتى زواج ، لانه سمات الشخصيه النرجسيه بتتعارض تماما مع مفهوم العلاقات الصحيه والتواصل الطبيعى بين طرفين عندهم احتياجات عاطفيه والمفروض يحصلها اشباع ليها . فبتالى اول ما تلاقى علامات الشخصية النرجسيه موجوده فى الطرف الاخر ، يبقى اعرف انه حان الوقت انك تاخد بالك من قراارتك العاطفيه مستقبلا ، ومن سماتها ( عشق الذات ، الانانيه ، عدم التفاعل العاطفى يعنى مش بيتاثر عاطفيا باحوال الاخرين او يهتم لمشاعرهم ، ولا حتى اقرب الناس ليه ).
2-هيلغى ‘ عيلتك واصحابك ‘ : دى البدايه دايما لاى علاقه غير صحيه ومجرد التسخينه للعلاقه السامه ، لانه العلاقه السامه الطرف الاخر فيها بيحاول ‘ يسيطر ‘ ويوجه تفكيرك ويستنفذك تدريجيا ، فبالتالى هيكون عداوات مع الاشخاص القريبين منك والاشخاض اصحاب التاثير عليكى او حتى الاشخاص الى بيدعموكى وقت ضعفك واحتياجك ، فدى علامه خطر وكارثيه جدا .
3- التغيير التغيير التغيير ، لازم يكون عندك انتى فقط ، التغيير كلمه هتكون على لسانه ” لازم تتغيرى للاحسن ” ، انتى لازم تغيرى الحته دى فيكى ” لازم تخلى تفكيرك يتغير للاحسن ” وعلى اد ما الكلام نفسه معسول وحلو لكنه مش بيفترض ابدا انه التغير لازم يمشى فى الجانبين وهو كمان لازم يتغير زيك . لكن بالاقناع والثبات على موقفه والاصرار انه دايما الاخطاء مش بتكون من عنده وبتيجى من عندك بس ، هيخلى كل التغيرات تيجى من عندك انتى ففط
*كمان علامه بشوفها دايما فى البنات الى بترتبط بشخص بيحول العلاقه لعلاقه سامه انه بيفرض التغير حسب حالته المزاجيه ، يعنى مثال يوم يكلمك فى انك تغيرى صفه معينه ‘ والصفه دى شخصيه فيكى ملهاش اى تاثير عليه ‘ لكن لمجرد انها مش عاجباه بيعمل كدا ، هوب تانى يوم يقولك انه الصفه دى احلى صفه فيكى واوعى تغييرها ! فالتضاب والتناقض دا الى مبنى على تقلبات الحالات المزاجيه .بيدل انه د علاقه خطر .
4- البسى نضارتى للحياه : زى ما الضفدعه بتتسلق فى ميه مغليه بتزيد درجه حرارتها تدريجيا ، كمان هو هيلغى ‘ فرديتك واختلافك وتميزك ‘ وهيبقى حريص انك تشوفى العالم كله من نضارته ومنظوره هو عن الحياه . فطبعا اوعى تسمحى بدا لانه من هنا هتبداء مرحله ( الغليان ).
5- التهديد المستمر : فى الغالب البنات بتحس انه فى حاجه غلط ، وكمان اصدقائها المقربين بيستشعرو انه فى حاجه غلط بتحصل معاها ، فبيبتدو يحذروها من التغييرات البيطئه لكن مؤثره فى شخصيتها دى .، او حتى انه البنت نفسها تستشعر التخوف دا من انه العلاقه ابتدت تكون مش مريحه ليها وانهاةبتفقد كتير منها كل فتره ، عارفين ايه رد فعله لما بيحس الطرف الاخر سواء بدا ،؟ ( بيهدد بالانفصال على طول ) مفيش عتاب ، مفيش نقاشات ، مفيش كلام .، مره واحده التهديد بالانفصال وطبعا لانه الانفصال هيكون شيئ مش منطقى هنا ، فالبنت او الولد هنا بيبتدو يضطربو تدريجيا ويوصلو لمرحله يعرفو فيها انهم أخطأوا لما عبرو عن تساؤلاتهم المنطقيه ومع الوقت وبمرور الوقت بيكتشفو انهم انتقلو من علاقه ‘ سامه ‘ ل ( زواج سام ) !!
