بقلم المستشارة الاسرية دعاء صفوت
نتيجة التسارع الكبير في نمو المراهق فإن الجسم بيحتاج الى 2700 سعر حراري
و المراهقة الى 2200 سعر حراري، ولكن للاسف في هذه السن العادات الغذائية السيئة بتكون احد مفضلات ابنك او بنتك فالبيبسي و البطاطس و السيبش بيكون صديقهم الصدوق.. و هنا بنقول ما تعمليش صدام، حاولي توصلي لتوافق معاه ان يا حبيبي انت مسموحلك بالاكلات السريعة مرتين في الشهر مثلا عشان صحتك، و
هنا انصح ان يتم مشاركة الاسرة في مشاهدة حلقات خواطر 10 حلقة الاكل السريع و اخطاره على القلب، و دا بشكل غير مباشر و بلاش نقعد على قلب الولد نقول مممم شفت اهو اللي باقوله صح
المراهق لا يحب التأنيب ولا المحاضرات، و الجملة دي هاتسمعوها مني مرارا و تكرارا، المراهق لا يحب التأنيب ولا المحاضرات.
سيبيه و هو هايدورها في دماغه … و بالحوار البناء نوصل للي احنا عايزينه.
كدا انا غطيت انهاردة اهم الاستعدادات لمرحلة المراهقة، اتمنى تكونوا استفدتو و طبعا يا ريت اللي لسة اولاده في سن ما قبل المراهقة يذاكروه كويس و ينشروه مع ذكر المصدر اذا سمحتم
التقي بيكم الاسبوع القادم ان شاء الله مع اول وقفة مع مشاكل المراهقة..اتمنى تكونوا ذاكرتو دا كويس عشان نعرف نكمل..ويا ريت تكملو رد على البوست اللي باسأل فيه على اهم المشاكل اللي بتواجهكم مع المراهقين.. او واجهتكم و انتو مراهقين..
