ياما كان فى نفسى !!

بقلم الكاتب الساخر مصطفي القمري
ياما كان فى نفسى !!

• المسهوكة : وحشنى ياقمرى !!!

• القمرى : قولى من الاخر عايزة ايه يامسهوكة ..وسيبك من اللف والدوران

• المسهوكة :عايزاك تشتغل معايا !!

• القمرى :خير يامسهوكة ..بس من غير ماتسبلى لى عينيكى ..ماشى ؟انا قلبى ضعيف ..اه ؟

• المسهوكة : عايزاك تجيب لى ضيوف انا عارفة ان ضيوفك كتير .. يعنى عايزة اعمل فرقعات فى البرنامج ..يعنى تجيب لى واحد بياكل زجاج اوواحد قتل مراته وولاده من الفقر .او واحد بياكل بطة صاحية …او مثلا واحد ايديه مقطعة او رجليه او شبكة دعارة او وكر مخدرات او واحدة قطعت جوزها بالسكينة ..يعنى ضيوف من النوع ده ..يعنى ضيوف غير تقليديين ..وهتاخد على الضيف 1000 جنيه .. ايه رايك ؟

• القمرى : ماشى يامسهوكة ..خلاص فهمتك . .. انا عندى ليكى موضوع هايل .. عندى واحد هيدخل موسوعة جينس .. بقاله 60 سنة عاطل !! من يوم مولده وهوة عاطل ..يعنى من 60 سنة قاعد فى البيت ..

• المسهوكة : اكيد حمدين صباحى ..معاك تليفونه ؟

• القمرى : تليفونه مع ممدوح حمزة ..او البرادعى ..اصله اشترى خط اتصالات جديد .. هدية من الشيخة موزة

• المسهوكة : انت مشكلتك انك فهمنى .. طب ماتيجى نتجوز دى فرصة اننا متفاهمين

• القمرى : طب ادينى فرصة اكون نفسى .. 30 سنة بس