كلمتين فى حدوتة .. ع الماشى .. مع زوزو ..

بقلم دكتورة زينب زكى

السعادة هي بما تقدمه لمن تحب ومن يحتاج .. فيفرح ويبتسم .. فعندها تجد سعادتك في إبتسامته وفرحك في فرحه.. قدم له سعادته يقدم لك سعادتك.. قدم لعائلتك لأصدقائك لزملائك في العمل قدم لهم سعادتهم يقدموا لك سعادتك ..!

كان يا ما كان يا سعد يا اكرام ما يحلى الكلام الا بذكر النبى عليه الصلاة والسلام .. كان فيه زمان زمان أولاد صغيرين منهم الشاطرين وبيسمعوا الكلام ومنهم الانانين وكمان كان فيه مدرسه جميله واسمها جميلة ..

ايه اللى حصل ؟؟ تعالو نشوف ..

كانت جميلة بتحب الولاد بشكل كبير وبتفكر ازاى تعلم الاولاد الانانيين معنى السعادة وقعدت تفكر ازاى تفهمهم بطريقة بسيطة وسهلة .. 

جابتلهم بالونات ملونة جميلة .. حلوة وخطيرة بعددهم كلهم بحيث ان يكون من نصيب كل واحد بالونة وراحت موزعة البالونات عليهم 

وطلبت منهم أن ينفخوها ويربطوها .. وبعدين طلبت من كل واحد منهم أن يكتب إسمه على البالونة بخط واضح..

جمعت المدرسة البالونات ووضعتها في صندوق كبيييييييير وطلبت من الأولاد أن يتجمعوا بسرعة علشان ياخد كل واحد بالونته بس بشرط فى خلال دقيقة واحدة بس 

وبسرعة جرى كل الاولاد وحاول يلاقى كل واحد فيهم بالونته لكن م قدرش.. 

طلبت منهم المدرسة بعد ذلك أن يأخذ كل واحد بالونة أيا كان الإسم الذي يحمله ثم يعطيه لصاحب الاسم.. تمت العملية خلال دقيقة واحدة وكان مع كل ولد البالونة الذي يحمل إسمه وكان الجميع سعداء ..

عندها قالت المدرسة: .. البالونات تمثل سعادتنا التي نبحث عنها ..

عندما كنا نبحث عن سعادتنا فقط .. إستحال علينا أن نجدها ..

ولكن عندما قدمنا السعادة للآخرين منحونا السعادة ..

أسأل الله أن يسعدكم في الدنيا والآخرة ، ويحقق لكم ما تتمنون ..

وتوتة توتة .. خلصت الحدوتة .. حلوة ولا ……. 

تحياتى للجميع 

ماما زوزو