وصفه مزهقه ستات كتير ومهمه جدااا في العيد وكلنا بنحبها ودايما ستات كتير تشتكي منه بتنفش في الصلصه او بتفك مني انهارده بقدمهلكم بمقادير وتكات مضبوط ♨?
هقولكم السر وتمشي علي الوصفه بالحرف
مقدمة من / ندا فاروق ( أم أنس )
وقت التحضير / 30 دقيقة
وقت الطهي / 20 دقيقة
المقادير :
نص كليو لحمه جملي او كندوز صغير حمرا بدون دهن نهاااااائي نهااااااائي ودي اول تكه
نص كليو رز مغسول ومصفي وتسبي يناشف من المياه
٢ حزمه كزبره وحزمه بقدونس مغسولين ومتقطعين منهم الورق فقط بدون عروق
تاني تكه معلقه صغيره بينكج بودر
بصله وسط واحده فقط فقط
٥ فصوص توم
معلقه صغيره كمون
معلقه كبيره ملح كزبره ناشفه
نص معلقه بهارات
الطريقة :
– في الكبة هنضرب الارز و الخضرة و البصل و البهارات اكتر من مرة
– لازم لازم ينعموا تماما
– ننزل باللحم المفروم عليهم و نفرم مرة تانية ختى يختلطوا تماما
– نضع الخليط في التلاجة يتشمع ضروري قبل ما نشكلها اصابع
– نشكلها اصابع او كريات حسب الرغبة و ناخد بالنا نشكلها اصابع رفيعة لان حجمها بيزيد
– نحمرها في زيت غزير
– نيجي للصلصة
– نحمر بصلة و توم و ننزل عليهم بعصير الطماطم و معاه رشة ملح و فلفل و البهارات
– بعد ما الصلصة تتسبك ننزل بكريات الكفتة المحمرة و مكعب المرقة
– اول ما تغلي نهدي النار لحد ما الكفتة تستوي تماما جوة الصلصة
و تقدم مع ارز بالشعيرية
و الف هنا على قلوبكم يارب
مدير مطبخ سحر الحياة / نيفين منصور
