بقلم دكتور زينب زكي
قديما قالوا ” الدكان جنب الدكان والرزق ع الرحمن “
كان يا ما كان يا سعد يا اكرام ما يحلى الكلام الا بذكر النبى عليه الصلاة والسلام كان فيه زمان زمان ولد جميل واسمه احمد وكمان كان فيه جاره الشرير واسمه عادل
ايه اللى حصل ؟؟؟؟؟؟ تعالوا نشوف …….
فى يوم من الايام قرر أحمد يعمل مشروع كبير يكسب منه ويتصدق على ناس كتير وفعلا المشروع اتعمل وبدأ يكسب منه كتير وكان احمد معروف ومشهور
وفجأة اتفاجىء احمد ب جاره عادل اللى عمل نفس المشروع فى مكان قريب منه مش بعيد وبدأ يضايقه كتير ويخطف منه العملا بتوعه ..
وبدل م أحمد يزعل منه راح وقاله ربنا يكرمك يا صديقى خليك واثق ان الرزق بتاع ربنا ومحدش بياخد اكتر من نصيبه
وزمان قالوها حكمة ” الدكان جنب الدكان والرزق ع الرحمن ”
عادل زعل من نفسه جدا وعرف ان الانسان لازم يتعامل بعقل وحكمة وخوف من ربنا وم يستغلش طيبة جاره ويبطل يضايقه بسوء افعاله واصبح عادل لأحمد صديق جميل يساعدوا بعض فى الشغل ويدعوا ربنا يرزهم بالخير الكتير مع بعض
وتوتة توتة .. خلصت الحدوتة .. حلوة ولا
تحياتى للجميع
ماما زوزو
