كفتة الحاتى من مطبخ ياسمين مصطفى
مقدمه من الشيف /ياسمين مصطفى
مدة التحضير/ 30 دقيقة
المقادير
نص كيلو لحمه مفرومه بلدى
50 جرام لية ضانى مفرومه
حزمه من البقدونس
معلقة كبيرة من كل نوع من التوابل ( بابريكا وبصل بودر وتوم بودر وكمون ومعلقة صغيرة توم مفروم ورشة جوزة الطيب ورشة صغيرة قرفة ومعلقة كاتشب كبيرة وبيضة ومعلقة صغيرة ملح )
معلقة كبيرة نشا علشان تحافظ على طول اصابع الكفته ومتصغرش بعد التسوية معلقة كبيرة سكر
معلقة بقسماط ناعم
كوب صغير برغل ناعم مش خشن
بصلة متوسطه مبشورة ومصفى منها الماء
الطريقة :
– تضاف كل المكونات مع بعضها والبقدونس ناخذ منه معلقتين فقط يضافو ا للكفته اما باقى الحزمه تستخدم فى تزين الكفته عند التقديم
تعجن باليد كويس جدا وتوضع الاسياخ بالماء لمدة نصف ساعه علشان خشب ميتحرقش اثناء الشوى
– تصبع الكفته على الاسياخ وتوضع بصينية مدهونه زيت خفيف وتبل بماء البص المضاف له معلقة كاتشب لتعطى الكفته لون احمر وجميل تدخل الثلاجة نص ساعه عشان تشمع
– تدخل الفرن على الشبكة على نار متوسطة وتقلب عند تحمير الكفته من اسفل مع دهان الوجة بماء بصل مرة اخرى اثناء الشوى
– يولع الشواية لتحمير الوجة دقيقتين وتخرج من الفرن
– توضع فحمه مولعة على ورقة قصدير فى متتصف صينية الكفته وعليها نقطة زيت مع تغطية الكفته 5 دقائق بورق الفويل لتشرب من ريحة الفحم
– يوضع زيت قليل بزجاجة بخاخة وترش الكفته بها لتعطيها لمعة جميلة عند التقديم وتوضع الكفته على باقى حزمة البقدونس وتقدم مع الشيبسى او الارز او البطاطس
و الف هنا على قلوبكم يارب
مدير مطبخ سحر الحياة / نيفين منصور
