ثروت بديع
مصر وبس
بحبك كتير
بحبك لحظة رضوخ ضمير
للمغريات
بحبك ف فرحى اللى زمر
فى وشى
وسابنى وفات
بحبك و اصرخ ف وشك
بطعم السكات
بحبك و اكدب و اغشك
واحلف كتير
واكدب كتير
وانسى الضمير
وانسى القليل
وانسى الصغير
وانسى الكبير
وانسى الكتير
إلا انى احبك
بحبك فى حرك
وف الزمهرير
بحبك فى بخلك
عليا بحبك
بحبك ف رغدك
بحبك ف ضنك
بحبك فى كسرك
بحبك ف نصرك
بحبك بحبك
بحبك لإنك
ساكنة الضمير
مدير قسم الادب والشعر
علا السنجري
