كتبت : شاهيناز عبد اللطيف
شويه حاجات كده ملهاش علاقه ببعض
☆أحد اهم أسباب الإكتئاب هو عدم الرضا بما قدره الله لكي
☆لو ربنا أداكي القدره علي فعل الخير ماتشغليش بالك باللي معملش زيك او باين ادامك انه مابيعملش او ماهو ربنا عاطيه ومديله مش بيعطي مما اعطاه الله ليه ..ده مدخل من مداخل الشيطان ليكي ..لأن في شعره رفيعه اوي بين الرياء والإخلاص لله فعملك الخير ده ..خليه بينك وبين ربك احسنلك
☆ ماقبلتش حد ناجح أو بمعني أصح سعيد فحياته ..الا وكان كارم أبوه وأمه او أحدهما بأي شكل من الأشكال ..بار بوالديه يعني ..والعكس صحيح فأغلب الاوقات ..يعني التعيس ..يفتش عن علاقته بوالديه لو كانوا لسه علي قيد الحياه
☆ لما تلاقي نفسك مخنوقه وروحك فمناخيرك بالرغم من انك مأديه واجبك نحو ربك ..شوفي كده أذيتي مين بلسانك أو بفعلك بعلمه أو بغير علمه …لأن اذيتك له دي بتولد طاقه سلبية جواكي انتي هو ولا هيتأذي ولا هيجراله حاجه ..علشان كده في ذكر اسمه الاستغفار ..ده بيجلي وينضف اول بأول ..لا وكمان بيمنعك من انك تقعي فالغلطه دي تاني فمتتولدش جواكي المشاعر السلبيه اللي حستيها .
