عزيز موسى
متصدقيش
ان الدموع كانت عشانك
ولا كل احلامى بريئه
ان اللى كنت بخون عنيك
ستين دقيقه ف الدقيقه
انا كنت بهديك الورود
لجل يجرح شوكها
ف ايديكى الرقيقه
متصدقيش شاعر
واقفه القصايد على باب لسانه
بكلمه يفتحلك الجنه
وكلمه بيقيد حريقه
…..
ما اطيبك
مصدقانى
وانا واقف قصادك مرتبك
كما طفل بحبى
ف سكه مشاعرك
وجوة قلبك بنشبك
فكرانى صيدك
وانا ع الشط علقتك ف الشبك
قلبك بيكبر
والقطر بيعدى وفكرانى ملك
حلمك ف عينى
طرحه وفرحه
وشمع قايد يندهك
حلمى ف عنيك
واحده من 1000واحده
بتبتدى كلمه
وتنتهى سطر ورقم جوة الشرك
مدير قسم الادب والشعر
علا السنجري
