أكيد مش أنت
ـــــــــــــــــــــــــــــــــــــ
بقلم / محمد عبد النبى محود
حبيبى هوه مين .. حبيبى هوه أنت أنت القلب اللى خان
حبيبى هوه مين .. حبيبى هوه أنت بايع عشرة زمان
طب ليه بتسأل وأنت عارف .. إن الإجابة هيه أنت
سبتنى وأنا جرحى نازف .. واللى جارح هوه أنت
وخلاص هقولك قبل ما ابعد .. حبيبى هوه أكيد مش أنت
اديتلك كل الحب بقلبى .. وأنت جرحت قلوب حبّوك
ضيعت بإيدك عشقى وحبى .. ومشيت ف طريق مزروع لك شوك
هبعد مش هندم أبدآ لأ .. هبعد وأنا عارف عندى الحق
وأنا بشكرك على أى حال .. اسمع بقى رد السؤال
حبيبى هوه أكيد مش أنت
أيام وسنين عايش لهواك .. بحميك م الجرح وادارى عليك
حسّيت بالحب وشفته معاك .. ولامرة جرحت وخنت عينيك
هسكت مش هنطق أبدآ صوت .. هبعد لو بعدك عنى الموت
ما أنا كنت ليك أكبر ضحية .. وردى ليك حقيقة هيه
حبيبى هوه أكيد مش أنت
