كلمات /شيماء الهرميل
فتحت كتااب قعدت اقرا
فى سيرته الطيبة العطرة
وخدنى كتابى وصلنى لباب بيته
حبيته اكتر من جمال اللى قريته
عرفت ان البيوت تعمر
بضحكة حلوة بتصبح صباح الخير
وكلمة حمد بتبارك فى رزق قليل
عرفت ان البيوت تعمر بكلمة ود
وقلب حنانة يغنيك عن حنان الأرض
بزوجة واقفة ورا زوجها بتدعيله
وسنده فى ضهره أد الحمل وتشيله
كفوفها تطبطب
وتمسح من عليه الهم
بزوج مهتم
يحب مراته ويفكر فى سعادتها
يحسسها ان بيتهم هو جنتها
يكون قوامها وإمامها فى صلواتها
بقلب كبير يصلح هو غلطاتها
فتدعى له وهى ساجدة فى صلاتها
فيسمع ربنا منها يحقق ليها دعواتها
