حوار بنازير مجدي
بدأت مشوارها منذ الصغر بموهبتها المتألقة، لتصنع من الأحجار عقودا من الذهب، بعد أن خاضت تجربة ممتعة مع موهبتها، لتصل بها الصدفة إلي مزيد من النجاح والشهرة في مجالها، مصممة الإكسسوار التي لقبت من قبل عملائها بالملكة، مصممة الإكسسوار نورا سيد…..
بدأت مشوارها منذ الصغر بموهبتها المتألقة، لتصنع من الأحجار عقودا من الذهب، بعد أن خاضت تجربة ممتعة مع موهبتها، لتصل بها الصدفة إلي مزيد من النجاح والشهرة في مجالها، مصممة الإكسسوار التي لقبت من قبل عملائها بالملكة، مصممة الإكسسوار نورا سيد…..
حدثينا عن رحلتك في مجال تصميم الإكسسوار ؟
دخلت إلي تصميم الإكسسوار بدء من عشر سنين بالصدفة، من وانا في مدرستي الإبتدائية شاركت في معارض، وكنت بستخدم الأحجار في حاجات كتير مش بس إكسسوار الموضوع إتطور معايا لما كبرت واتخرجت، اشتغلت سنة بمجال إداري، وبعدين حبيت أن يكون ليا عمل خاص، واتجهت اللاار، وبدأت أعمل أساور بسيطة، واسوق لها اون لاين، والحمد لله لاقيت نجاح كبير، وكان بيشجعني دايما علي كده أمي وأبي وأختي و زوجي، وطبعا بدأت أشتغل علي نفسي و أطور موهبتي بنفسي، إلي أن أصبحت مصممة الإكسسوار نورا سيد، وكرمت في مؤتمر ” الست المصرية تاج علي الراس ” الشهر الماضي.
متي شعرتي بالهوس بتصميم الإكسسوار ؟
شعرت بالهوس من أول يوم قررت فيه أن أكون مصممة ليها اسمها ومكانتها، بمجهودي وتصميماتي اللي كان لازم تبقي مختلفة ومميزة.
هل كان دخولك مجال تصميم الإكسسوار مخططا له من قبل ؟
دخولي كان لمجال تصميم الإكسسوار كان بالصدفة، لما حبيت أعمل حاجة بحبها، ويمكن أحلي قرار بحياتي.
و ماذا عن أول قطعة اتقنت تصنيعها ؟
كان انسيال من اللؤلؤ من الأحجار المحببة لقلبي هو والفيروز، و إلي الأن محتفظة بها، مع انها اتطلبت مني اكثر من مرة من أكثر من عميله، لكني رفضت بيعها واعتز بها جدااااا.
هل تحرصين علي متابعة الازياء العالمية ؟
أكيد ببقي حريصة جدا، علي متابعة الأزياء العالمية شرقية وغربية، لأن تصميماتي للاكسسوار بتعتمد جدا علي الألوان لكل موسم، ومن المهم أن أكون متابعة الازياء العالمية، واحدث خطوط الموضة.
من هو أفضل مصمم إكسسوار بالنسبة لك ؟
مصممة مصرية أكيد عزة بهاء.
ومصمم عالمي الكسندر ماكوين في تصميم إكسسوراته جدااا.
في رأيك هل تستطيع الأزياء المحلية منافسة الأزياء العالمية ؟
الأزياء المحلية وخاصة المصرية الأن أفضل من أي وقت ماضي، بقي عندنا مصممين كتير بيتنافسوا أنهم يطلعوا أفضل ما عندهم وتصميماتنا دلوقتي بتتصدر للخارج، سواء أزياء أو إكسسوار أو أي أعمال يدوية ليها مكانتها، ودي فخر الصناعة المصرية دلوقتي.
ظهرت مؤخرا مواهب شابة في مجال الأزياء بشكل عام ما الذي ينقصها برأيك ؟
حقيقي كل المواهب انا بقدرها وبحترمها وبشجعها، في كتير موهبين صاعدين حقيقي بيستحقوا التقدير لأن مجهوداتهم وشغلهم، بيتكلم عنهم وربنا يوفقهم، وفي نماذج وده بيحصل بتنفذ كل حاجة عن طريق copy paste نسخ وخلاص حتي مفيش اضافة للتصميم او تغيير او لمسة خاصة وده مبيعتبرش موهبة ولا عمل.
برأيك هل الموهبة كافية علي أن تصنع مصمما ناجحا ؟
الموهبة مع الشغل عليها وتطويرها، كافية انه يصنع مصمم ناجح جدااا؛ لان انا الحمدلله حاليا مثل لده انا ما اخدتش كورسات في مجال الاكسسوار هي موهبة، ونميتها قريت وشفت فيديوهات اونلاين واشتغلت ب ايدي من غير مساعدة او توعية من حد والحمدلله نجحت.
ما الاسم الذي يلقبك به عميلاتك ؟
انا لم القب نفسي باسم، لكن عميلاتي لقبوني ب ” الملكة ” ملكة بتصميماتي المتميزة والمتنوعة والمختلفة، وطبعا اللقب فرحني وحسيت أنه اللقب كبير اوي عليا، ولكن فعلا انا بحاول أكون متميزة في كل تصميم عن اللي قبله، والحمد لله قدرت أعمل دي.
إلي أي مدي استفادتي من مواقع التواصل الإجتماعي في عملك ؟
-استفدت جدا من مواقع التواصل الإجتماعي، في تسويق شغلي وانتشار شغلي داخل وخارج مصر.
ماذا عن خططك ومشاريعك المستقبلية ؟
-خططي ومشاريعي وأحلامي كتير، وبسعي لتحقيقها ومنهم مشاهير يلبسوا تصميماتي سواء اعلاميات أو فنانين، والحمدلله بدء يتحقق، وبعتبر ده إنجاز مهم ودليل علي أن شغلي ناجح الحمدلله.
أما خطة أن كولكشن يكون أكبر وأحسن وأنجح من اللي قبله دي خططتي الدائمة
والمستمرة طول ما انا شغاله بمجالي ان شاء الله.
ما هي نصيحتك للشباب الذين يرغبون في الدخول إلى عالم تصميم الإكسسوار ؟
-نصيحتي للشباب هي كلمة واحده، ” التمييز”، اسعي انك تكون مميز في الحاجة اللي بتحبها مش شرط الاكسسوار فقط أي مجال التمييز هو أهم شيء حتي بٲول خطوة للطريق ولكل مجتهد نصيب. 
