بقلم الخالة وداد
فرق شاسع اولادي بين الست الي شخصيتها قوية والي بنقول قوتها تكمن في ذكائها وثقافتها ورقيها وضعفها في وقت معين .شخصية مبتقتنعش او مبتسلمش غير بالي تقتنع بيه.شخصية لازم تناقش عشلن تفهم مش عشان تعاند ولا تردد وخلاص.
شخصية لازم تثبت تواجدها بفكرها وعلمها وتحضرها ووجهات نظرها الحكيمة وتقدر تدير الموقف الي هي فيه.
يعني من الاخر الشخصية القوية بتبقي قوية في كل الجوانب بره وجوه حسب ما تقتضيه المواقف.شخصية تقدر تعتمد عليها في النقاش في تحمل المسؤلية شخصية حديدية
اما الشخصية الشرسة دي شخصية هشة ومغرورة وكل الي بتعمله مجرد نقص وعند ومقارنه لو بتجادل بس عشان تثبت وجهه نظرها الغلط وتفوقها علي الخصم ونفس النوع ده غالبا الي بينادي بحقوق المرأه رغم ان واخد حقه وزياده حبتين!!!
الشخصية دي عندها نقص في التكوين النفسي شايفها انها مهمشة فلازم تعوضه بالهجوم والصوت العالي وفرض الشخصية.شايفه ان الكل في الكل هو اسلوب الحياة المتسمة بيه.ومتقدرش تحترم حد لانه في وجهه نظرها كله ضعيف وهي الاقوي
لذلك لو عاوزين يحابيبي تحكوا علي قوة وضعف الست حقيقي بيبقي من طريقة الفكر والحوار والقيادة الحكيمة مش الهوجاء
