-موهبتى من حضانه فى مجال الرسم.
-ابنى الوسطانى بيحب يعمل شغل قريب من شغلى.
-بستوحى شغلى من المسلسلات الهنديه.
-ماينفعش ان اقلل من قيمه شغلى ويتباع بهامش ربح قليل
-ابنى الوسطانى بيحب يعمل شغل قريب من شغلى.
-بستوحى شغلى من المسلسلات الهنديه.
-ماينفعش ان اقلل من قيمه شغلى ويتباع بهامش ربح قليل
حوار/غاده محسن ابراهيم
الأعمال اليدويه ممتعه لصانعها ومستخدمها .
وهناك العديد من مجالات الهاند ميد وفنانينها وحديثنا اليوم عن فنانه الهاند ميد داليا طه .
وهى فنانه اكسسوار ومكملات اناقه تمتاز أعمالها بالطابع المصرى الجميل وبألوانه وتصميماته المتميزه أقتربت سحر الحياة منها لتجري معها حوار من القلب .
– حدثينا عن الفنانة داليا طه في سطور ؟
– أنا داليا محمد طه خريجة إداره اعمال قسم تسويق ،أعمل في مجال صناعة الإكسسوار.
-متى بدأت عندك موهبة عمل الإكسسوار ؟
اولا موهبتى من حضانه في مجال الرسم اما رسمت مركب وده علشان انا من منطقه ساحليه للاسف ماحدش ساعدنى غير مدرسين المدرسه بعد كده
-ما الشىء الذي يميز شغلك عن باقى مصممى الاكسسوار؟
اللى تميزت بيه انى شغلى بيبقي فيه تفاصيل غنيه واننا بحاول يكون في كل قطعه هدف وفكر وحبي اننا اجمع اكتر من حاجه في القطعه الواحده ياعنى الشغل الشرقي مع الهندى
-هل اشتركتى فى معارض فنيه من قبل ؟
اشتركت في5معارض اللى استفدته انه ماينفعش ان اقلل من قيمه شغلى ويتباع بهامش ربح قليل وان البيع مايغطيش تمن الاشتراك
واتعرفت على ناس ومصممين ومبدعين وده فعلا هو القيمه المفيده من المعارض دى
-هل تحبى الاشتراك فى عمل دورات تدريبيه ؟
عملت دورات تدريبه لفتره وبسبب كثره مرضي توقفت
كيف عملك بالإكسسوارهوايه ام عمل ؟
اولا من اول اسس التعليم اننا اعرف ايه اللى انا عايزاه هل ده حلمى او موهبتى وعايزه انميها ولا ده بيزنس ده اول شئ الحاجه التانيه لازم يبقي عندى نوع من الاستطلاع على جميع الفنون وده بيعطى للشخص الالهام للشغل اللى حيعمله ومش شرط يكون نفس الشغل ثالث حاجه ان دايما احاول ان اختلف ويكون لشغلى طابع لو اى حد شافه يعرف اننا مصريين
مما تستوحى اعمالك الفنية؟
زى ماقولتلك انا بستوحى افكارى ممكن الخامات تشدنى واركنها لغايه اما يجى احساسي برسمتها في عقلي برسم بالخامات وبعد كده اشتغل او اتفرج على لوحه او على ازياء ملابس او على انواع الشعل الهاند ميد وتجيلي الفكره بعد ماتفرج وساعات من مسلسلات الهندى لانها ثريه بالفن في اللبس الديكور الاكسسوارات
هل يوجد احد من ابنائك لديه نفس الموهبه؟
ابنى الوسطانى بيحب يعمل حاجات قريبه من شغلى وعمل اساور للاطفال ونزل معرض واوبن داى وشجعته وكسب منه
ما هى احلامك التى تتمنى تحقيقها فى شغلك؟
ان اتقن اكتر في شغلي وان اوصل ان شغلي يكون ليه بصمه وينتشر في العالم
وقبل ان انهى أحب اشكرك جدا واستمتعت بالحديث معاكى تحبى توجهى الشكر لمين ؟
اولا بشكرك على الحوار استمتعت بيه
لكن عمتا الشكر لله اولا واخيرا على نعمته عليا
والشكر لابي وامى وزوجى لانهم بيدعمونى نفسيا وماديا
وشكر لاختى واخت زوجى لانهم اول موديلز ليا 
