الجيل الرابع

هاني سمير اغا


هبدأ واقول من يوم ميلاد الانسانيه
عدت سنين يمكن قرون
من نسل آدم. جه قابيل
وقتل اخوه والقتل عمد
ومشيت الدنيا كتير خطاوي .
وأما بعد.
اتقسِموا الناس ع المِلل
منهم ديانه سماويه
ومنهم كتابه من البشر
أكبر خلل
لما الايدين تكتب كتاب وتقول ده وحي
ومنهم اللي عبد بقر..
هَنِج الفيروس عقولهم
واستقر
واستمر..
 التطور والحروب مبقتش حَربهْ والا سيف…
 كانوا  وقتها شيء مُخيف.
وعلي الرصيف… الموت مواجهه
وميلاد نوبل من بعد فتره
ماهو لما عاش ياريته حتى كان زرع
اما الأسف انه اخترع
شيء م الخيال
يمحي الرجال ويزيل جبال من جدرها
ويندوز جديد
واتبرمجوا بيه البشر
وصلت لنووي
والضحايا ب الملايين..
وال صهيون ماهم ساكتين
ومخططين
ومرتبين ومبرمجين
انسان روبوت
وفيروس جديد
وسوفت وير لكل القديم
بزر واحد إصدار جديد
وموجه  أمره ب التحديد
إن العرب والمسلمين
يتحمل ميموري عقلهم x إكس  موت
يتفرمط الفكر السليم
اول بيان
إن العدو جاي منهم
والتعليمات ف السي ديهات
والسم كم جيجا بت متفيرسين… يدوب في شربات الفرَح
يتلف بيه ع المعازيم أهل الوطن
مشروب رفريش للعقول..
. يطبع أوامر ل اللسان
ومن غير ماتفهم بس قول. و…
انشر فتن واعمل سياح
اقتل اخوك امسك سلاح
لكن في وطنك بس
 مسموح
تجرب رصاص الغرب ببراح
ماهو  دمك ليهم   مستباح
انت واخوك واجهتين… لعمله واحده
واللعب لسه في ملعبك
والمخترع .. من بأسكم في بعضكم
لبس النظاره الماجيك… ونام  وارتاح
مدير قسم الادب والشعر
علا السنجري