صائغ القوافي الشاعر
فهد بن عبدالله الصويغ
ياعم عربي انت فين
غايب عن الدنيا ليه
هاجرنا ليه سنين
هو حكايتك إيه
ماعدش بتسأل علينا
ولا عدش بتقول مين
يا عم عربي حن شوية
تعبنا من الليمين
غبت ونسيت حكايتنا
وسايبنا كده تايهين
ماترجع هنا لحتتنا
وتصحي النايمين
أمريكا بتلعب بينا
يا عم انت فين
بتاخد اللي لينا
وبتديه لناس تانيين
بتسرق مننا أيامنا
وإحنا يا عم قاعدين
يا عم عربي فوق
سكتك بقت توهان
صحصح كده وروق
وكفاية طناش ونسيان
أمريكا سرقت أرضنا
وإدتها لإسرائيل
دول هما عدونا
وانت ليها بتميل
حس يا عم شويه
ولاعبها مره بحكمتك
بلاش شغل الحنية
وماتمشيش بغلطتك
فلسطين مننا راحت
وراح قبلها كتير
ليه همتك طاحت
عايزبن شوية ضمير
حس يا عم بينا
وتعالى رجع قوتك
خليك دايمآ حوالينا
وإفهم قضيتك
حنتاكل واحد واحد
وإنت عامل مطنش
عن بعضنا بنتباعد
وانت عايش مفرفش
بقينا بنشتم في بعض
وبقينا كلنا تايهين
الأخ في إخوة بيعض
حوالينا كتير خاينين
دي ألارض هي العرض
وإحنا عنها نايمين
يا عم عربي فينك
ما ترد و تريحنا
فين حمرة عينك
دا الغرب بيسيحنا
يا عم عربي انت فين
وفين بقت أراضيك
تعبونا يا عم الخاينين
قولي إزاي بس أراضيك
إرجع لأرضك عطشانه
عايزة يد ترويها
أرضك من غيرك زعلانه
عايزة مين يراضيها
رحت وقلت عدولي
وسيبتني من غير دليل
التتار تاني رجعولي
وانا من غيرك عليل
يا تحس بيا وترجع
يا تنسى إنك إنسان
دا الضرب فيا بيوجع
وإنت بعيد بزمن النسيان
مدير قسم الادب والشعر
علا السنجري
