فكرة التسويق الالكتروني جت من طبيعة دراستها
أولادها يعنو لها كل حاجة في حياتها
مهنتها عشقها
الرجل لا يعني لها أي شيء
الداعمين لها عملائها وأولادها
المرأة في نظرها هيا كل المجتمع
التسويق الالكتروني بحر من العلم المفيد و الشيق
تعاملت مع كتير من الاسماء اللامعة ومجالاتهم المختلفة
وستات بيوت عملو مشاريع ناجحة وتعتبرهم سر نجاحها
حوار / ريما السعد
ابتهال مصطفى … حبها وعشقها لمهنة الدعاية والتسويق ، التي درستها في قسم الآداب جامعة طنطا جعلها تصر على احترافه كمهنة ووظيفة من المنزل ، بدأت بفكرة صغيرة بالتسويق لصديقة لها ثم تطور الأمر إلى أن أسست شركة متخصصة من المنزل
حوارنا مع ابتهال مصطفى
١-حديثنا عنك !
اسمى ابتهال مصطفى خريجهة آداب إعلام جامعه طنطا ام لولد وبنت نور ومصطفى وبحب شغلى جدا
٢-كيف جاءت فكرة التسويق الالكتروني ؟
فكره التسويق الالكترونى جت من طبيعة دراستى انا خريجه إعلام شعبه علاقات عامه والتسويق عموما جزء من دراستى بس حبيت ادخل فى مجال تسويقى يكون جديد ومختلف
٣-كيف كانت البداية ؟
البدايه كانت من أحد صديقاتى كان ليها جروب بتبيع من خلاله المنتجات وطلبت منى أساعدها ومن هنا بدأت تجيلى الافكار إنى أطور من المهنه ومن نفسى
٤-ماذا تعني لك الاسرة ؟
أولادى يعنو لى كل حاجه فى حياتى وأنا بهدى نجاحى ليهم هما برده بيدفعو تمن النجاح ده معايا وبيشجعونى طول الوقت انى أحافظ عليه
٥-مامدى حبك لمهنة الدعاية والتسويق ؟
مهنتى هيا عشقى واحدة من أولادى
٦-ماهي حكايتك مع راديو بوست !
راديو Boost هوفكره تسويقيه جديده هو راديو اون لاين فقط كنت بحاول من خلاله أقدم برامج تفيد المجتمع عموما والتسويق خصوصا بس نظرا لبعض الظروف وانشغالى مقدرتش اكمل بس قريب باذن الله يرجع
٧-ماذا يعني لك الرجل ؟
الرجل لا يعنى لى اى شىء فى حياتى فالمراءه قادره على ان تكون بنفسها دون وجود رجل فى حياتها بالعكسالرجل ممكن يشكل عائق كبير يدمر المراءة
٨-من اكثر الداعمين لابتهال ؟
اكثر الداعمين عملائى وأولادى
٩-ماذا تعني لك المرأة وبماذا تنصحي السيدات اللواتي يرغبن العمل من المنزل ؟
المراءه فى نظرى هيا كل المجتمع هيا أم وزوجه وعامله وفى بعض الأحيان أب وأنصح كل سيده عندها فكره لازم تكمل عليها ومتيأسش منها مهما كانت الظروف
١٠-حديثنا عن ملكة المحجبات !
مهرجان ملكه المحجبات العرب أقوي وأكبر وأضخم مهرجان فالوطن العربي بيدعم البنت المحجبه
١١-ماهو سر تألق ابتهال ؟
مش شايفه نفسى متألقه بس لو فرضا إنى متألقه فى السر هو اصرارى الدائم على التطور
١٢-مارأيك في عمل المرأة ؟
عمل المراءه طالما بيخدم المجتمع وبيفيدها هيا شخصيا فهو طبعا ضرورى جدا
١٣-ماهي تخطيطاتك المستقبلية ؟
اطور من شركه Boodt
١٤-ماهي النصائح التي تساعد الشباب والشابات الذين يفكرون في ابتداء مشروع ؟
نصيحتى لاى شاب او شابه مهما كانت ظروفك عافر وكمل وهتوصل فكر وطور من نفسك هتوصل
١٥-هل ندمتي على شيء ما في حياتك ؟
هههههه ياااه حجات كتير بس مبفكرش فيها لانى على قناعه ان كل نهايه هيا بدايه لحياه جديده
١٦-هل التسوق الالكتروني عمل ممتع وشيق ؟
التسويق الاكترونى بحر من العلم المفيد والشيق اى عمل فى الدنيا ممتع طالما الى بيشتغله بيحبه وعايز يكمل فيه
١٧-ما أهم عنصر في التسويق الالكتروني ؟
اهم عنصر فى التسويق الالكترونى هو المصداقيه لان كلنا بنشتغل اون لاين والسمعه هيا الى بتخلى العميل يثق فينا حتى ولو مش بنشتغل اون لاين وعندنا منافذ لبيع شغلنا لازم يكون عندنا مصداقيه لان نقل تجربه العميل من عميل لاخر ده نوع مهم من انواع التسويق
١٨- من أكثر الاشخاص عملتي معهم بالتسويق ومجالاتهم ؟
وعملت بالتسويق مع كتير من الاسماء اللامعة فى العديد من المجالات زى سمر مبروك واسماء عبدالله خلود سيلمان ورانيا يوسف وسالى عمر فى تصميم الازياء ايناس اسماعيل وهبه مقلد فى مجال تصميم الاكسسورات والحلى نهى حمدى ورانيا حبيب وشيرى عماد فى مجال التجميل والعديد من الدكاتره مثل اشرف قوره دكتور التغذيه المعروف دكتور جمال عاصم فى مجال التغذيه ايضا دكتور باسم درويش دكتور علاج خشونه المفاصل والعديد من المهندسين زى المهندسه مى عصمت فى مجال الديكور وعملت مع العديد من الاعلامين والصحفيين
وكثير من ربات البيوت الجنود المجهوله الناجحه الى عامله مشاريع ممتازه من داخل منازلها وبحيههم بجد لانى بعتبرهم سر نجاحى
