شيرين محمد مدربة تربية إيجابية معتمده من مؤسسة التربية الإيجابية الأمريكية
اتكلمنا في المقال السابق عن كيفية عمل عقل الطفل و عرفنا ايه اللي بيحصل في عقل اطفالنا وقت نوبة الغضب …. هنتكلم في المقال ده عن كيفية التعامل مع نوبات الغضب اللى بتبدأ من عمر السنه و النصف وزي لما ذكرنا في المقال السابق ان فصى المخ عند الطفل غير مكتملين وان اللي شغال عند الطفل و طاغي عليه هو الفص الايمن من المخ المسئول عن المشاعر ووقت نوبة الغضب بيتوقف تماما الفص الايسر المسئول عن التحليل والتفكير والمنطق والكلام وبيطغى الفص الايمن على الموقف كله ونلاقى الطفل بقي بيصوت وبيرمى نفسه علي الارض وده سببه عدم قدرة الطفل عن التعبير عن مشاعره ازاي بقي نساعد الطفل و ندربه علي الاستعانة بالفص الايسر عشان يهدى ونعلمه مهارة ادارة الغضب ده اللي هنعرفه في مقال النهاردة
اولا : لازم انتي تكوني هادية وتتعملي مع الموقف علي ان الطفل مش بيضايقك و تحاولي تسيطري علي نفسك قدر الامكان عشان احنا في مخنا خلايا عصبية عاملة زي المرايا اول لما تلاقي حد مضايق او متعصب بتنقل الاحساس ليكي فهتلاقي نفسك متعصبة ومضايقة انتي كمان وتردي علي عصبية الطفل بعصبية قصدها المطلوب منك تكوني هادية
ثانيا: نبدأ نتعامل مع الفص الايمن من المخ عن طريق تعريف المشاعر Validate feeling ياه انت مضايق عشان كذا… انت غضبان (ومهم جدا نسمي الشعور عشان يعرف اسم الشعور اللي حاسس بيه…. ويعرف بعد كده يعبر عن مشاعره) ليك حق تضايق انا لو مكانك كانت هتضايق…. طيب تحب عشان تهدى دلوقتى تاخد بوسه وله حضن(في اطفال مش بيحبوا نكلمهم او حد يتعامل معاهم وقت نوبة الغضب ده بيعصبهم اكثر خلاص هتفضلي جنبه وتقوليله انا جنبك لو محتاج لحضن واياكي ان تتجاهليه افضلي جنبه لغاية لما يخلص نوبة الغضب)
ودي اول خطوه التعامل مع الشعور احنا بقي عايزين ندربه يستعين بفصه الايسر
وده المسئول عن التفكير مش هينفع ابدا نتكلم معاه بمنطق وقت لما يكون في نوبة الغضب هو اصلا مش سامعك ( واوعي تنفذي اللي هو عايزه هيعرف ان دي الوسيلة اللي هيخليكي تنفذي اي حاجة بعد كده) المطلوب منك تعريف مشاعر و بعد كده هنتستني لما يهدي خالص بعد اقرار المشاعر وممكن بقي تاني يوم… نبدأ نتكلم معاه ونسرد الموقف ونبدأ نعلمة مهارةادارة الغضب عايذين تعرفوا ازاي هنعلمه مهارة ادارة الغضب ده اللى هنعرفه في مقالى القادم ……. انتظروني
رئيس قسم هو وهي: داليا طه
