مقدمة من / مروة كمال
وقت التحضير / 15 دقيقة
وقت الطهي / 20 دقيقة
المقادير :
2 حبة بطاطس متوسطة
2 بيضة كبيرة
نصف كوب كريمة طهي او حليب
ملح / فلفل
جبنه شيدر وشرايح رومي مدخن ( ممكن جبنه فلمنك او موتزاريلا وممكن بسطرمه او لانشون)
الطريقه :
– نقشر البطاطس على الجهة الواسعة
– نضيف عليهم البيض و الكريمة او الحليب و الملح و الفلفل نخلطهم مع بعض
– جبت صينيه حطيت فيها ورقه زبده ودهنتها زيت وحطيت فيها خليط البطاطس بحيث تبقي طبقه رفيعه مش تخينه ودخلتها الفرن لحد ما استوي وحمرت الوش
– قلبت الصينيه علي ورقه زبده تانيه او طبق كبير وسيبتها دقيقتين كده وشيلت ورقه الزبده اللي كانت في قعر الصينيه بالراحه
– وزعت علي البطاطس جبنه شيدر وشرايح رومي مدخن ( ممكن جبنه فلمنك او موتزاريلا وممكن بسطرمه او لانشون)
– لفيت البطاطس رول ودخلتها الفرن خمس دقايق كمان عشان الجبنه تسيح وقطعتها
طعمها حلو اوي والرومي المدخن مديها نكهه حلوه
و الف هنا على قلوبكم يارب
مدير مطبخ سحر الحياة / نيفين منصور
