بقلم الخالة وداد
فيه صفات كتييير أووووي ياولادي لازم المدرب يعرفها ويتصف بيها..المدرب مش لقب انت فرحان بيه وخلاص …ايا كان مجالك يعني.انما دي مسؤلية ولازم تكون متدرب عليها ومستعد ليها.يعني التدريب خبرة وممارسة مش أي واحد يتقال عليه محترف!!!
المحترف ده الي عنده دراية بخبايا التدريب ووسائله وايه يستخدمه وايه يستبعده ومهم اووووي الابتكار والابداع في المجال ده..
ده بيميز المدرب عن المقلد الي بيحول التدريب لتقليد لأحد الشخصيات المؤثرة فيه بدون ما يبدع اويبتكر.بتبقي حاجة مرار وبايخة اوووي وربنا.
المهم نرجع لمرجوعنا المدرب علم وثقافة وتهذيب قبل ما يطلع يهلل ويطنطط علي المسرح.لازم يبقي عارف ايه الاساليب والوسائل المناسبة للموضوع وللفئة الي هيتعامل معاها .لان الي ينفع لفئة مينفعش التانية.لذلك علشان تكون مدرب ناجح لازملك كام حاجة كده.تعالي أقولك عليها..
١- لازم تكون ايجاااااابي في حياتك قبل ما تأمر غيرك بيها
٢- لازم تطبق علي نفسك الي هتقوله للمتدربين قبل ما تقولهم عليه
٣- لازم يكون عندك علم وخلفية قوووووية ومتمرن ومتمرس كويس اووووووي
٤- لازم تكون مبدع ومبتكر تاني هكرر مبدع ومبتكر.يعني مترحش تدي محاضرة هنا هي هي في مكان تاني .لا حاول تغير ف المحتوي او الاسلوب او الطريقة او حتي الوسيلة.
٥- لازم تكون حيادي وصبوووووور وبلاش تقفيله دماغ وتشدد لارائك.
٦- لازم تخرج من العرض وانت متعلم حاجة من متدربينك.
٧- لازم تكون ليك شخصيتك المستقلة بلاش تعيش في جلباب حد.
٨- لازم تكون مؤمن ومصدق نفسك أولا
٩- متقلدش متقلدش متقلدش.أديني قلت أهو
١٠- خليك جرئ في أفكارك ومواجهة جمهورك واساليبك وحاول ابهارهم دايماااااااا
١١- طور دايما من نفسك وعلي طول وبلاش تفضل واقف مكانك في نفس النقطة.
١٢- بلاش تدي لنفسك القاب .لان الالقاب مبتديش وجاهة ولا قيمة زي ما انت متخيل ولا بتبني شخصية .انما القيمة في الي بتقدمه وبيعلم مع الناس وبيأثر فيهم وبيتأثروا بيه
