بقلم نغم منير
ياتري ليه الرجل في وقت معين بيحب الست الملعب وبيحب يبقي مغفل مع ان كل حاجه بتبقي في حياته حلوه وتمام والست اللي معاه نضيفه وشارياه ليه دايما بيدور علي علاقه تانيه وياتري بيكمل نقصه ولا بيكمل نفسه ؟
سؤال في عقل كتير من بنات حواء
سؤال في عقل كتير من بنات حواء
زمان كان بيتهيألي ان الرجل بطبعه خاين وان الست اكثر وفاء منه بس دلوقتي عرفت ان طالما في رجل خاين يبقي في ست خاينه
وبحس بغباء الرجل انه يغيب عنه ازاي هي راضيه بيا وهي عارفه بوجود غيرها في حياتي اصل الست برضو بتغير زي الرجل يعني اللي تقولك بحبك وانت ديك البرابر وهاتحمل عشان بحبك دي بتستغفلك وش
فكر كده شويه انت ترضي يبقي في رجل غيرك في حياة مراتك او خطيبتك اكيد لا شوف انت كرجل بقوتك وعقلك يعني مش عاطفي زي الست ماتقبلش كده مابالك الست بقي
يعني الاكيد اللي بيحب بجد مايقدرش يتحمل حبيبه مع حد تاني غير كده كله كلام ومفيش اسهل من الكلام والغبي يشيل
وبقيت استغرب الست اكتر من الرجل لان اللي اعرفه ان الست كائن حساس مرهف المشاعرمايحبش الجرح والأذي لكن للاسف اكتشفت ان بعض الستات زي بعض الرجال
ودايما اسأل ليه الرجل بيخون وايه المبرر وفي اكتر الاحوال بتبقي فراغة عين وطفاسه
لكن ارجع للست ايه اللي يخلي ست تعرف واحد متجوز او خاطب ؟هل بتبقي مبسوطه من نفسها وهي مجرد حاجه بتقضي غرض؟
طب انسانيا مفيش احساس خالص ان ده دين وهاتدفع تمنه في يوم من الايام
يعني مين هايحس بالست الا ست زيها عارفه ألم الخيانه والغدر ؟
بس بلاقي ان الست اللي بتعمل كده بجحه جدا لا تقل عن الرجل الخاين في حاجه بالعكس يمكن اكتر دي بتبقي شايفه انه انا ست جدعه وقويه واخدت منك رجلك
ماتعرفش انها دور تاني زي اللي طالع بملحق وفي اغلب الاوقات الست الخاينه دي بيبقي ليها علاقات تانيه مابتكتفيش برجل واحد
عموما الخاين بيستحق الخيانه هي دايره مهما لفوا فيها هايوصلوا لنفس النقطه
