كتبت : داليا طه
في لحظات في حياتنا بتبقي صعبه جدا ، بتيجى على بالنا حاجات، ممكن تكون هواجس ، ممكن تكون حاله يعيشها ، وسببها الاساسي الظروف اللى بنمر بيها، قد تكون ظروف صعبه او إحنا فقدنا الأمل في أنفسنا، وده بسبب مرض صعب او مزمن وقتى او مستمر ، أو حاله وفاه لحد قريب مننا ، أو حاله فقد إنسان ملازمنا، بيبقي عندنا حاله هى غيبوبة.
اه بنبقي في حاله فاقدين التواصل مع اسرتنا ، او اللى حوالينا كننا متنا وإحنا عايشيين، بتبقي عايز تقولهم انا صاحى لسه، انا بحس بيكم سامعكم شايفكم.
انتوا ليه مش بتسمعوا نصايحي أنا خايف عليكم تبقوا في وضعي انا ميت .
بنصحكم في لحظه ضعفي اوعوا تبقوا زيي ، عيشوا افرحوا اضحكوا ، انا خلاص مت .
مش حتشيلوا هم كلمتى اللى كنت بنصحكوا بيها ، اخرجوا واتفسحوا العبوا ، خلاص مافيش اوامر تانى انا ميت .
البس داري او اكشف انكش او سرح خليك دايما نظيف جوا وبره اهتمامى بيك خلاص انتهى انا مت .
ذاكر انجح افشل العب وصاحب ما الصاحب ساحب، خلاص مش حوجهك ماتزعلش انا مت .
صلي ابتسم ارضي بحالك واقتنع، استغفر واحمد ربك، قوم اتوضي وصلي ، ساعد وحب الله ورسوله، تصدق قول كلمه طيبه ، حبيبتى المراه زينتها الحجاب خلاص مش حعرف انصح في دينك انا عملى وقف لانى مت .
شريط بيمر من اول مابتفتح عينيك ، لغايه اما تنام بليل تفتكر كل لحظه وتفتكر كلامك اهتماماتك نصايحك اوامرك ليل نهار .
فجاءه بسبب ظرف طارئ توقفت كل احساسنا بأننا عايشين لسه ، وبنتنفس لسه بنتحرك حتى لو بصعوبه ، بنفتكر بس انحنا حنموت وحياه اللى حوالينا، ازاى حيستمروا ، حيفتكروا كلامنا وتربيتنا وحبنا ليهم ، ولا حيرتاحوا من موتنا وكل كلمه لا قصادها نعم ، ماهى خلاص مش موجوده ، حنرتاح ونكبر دماغنا ونعيش حياتنا بمزاجنا .
هكذا يشعر المريض او اللى جرب تجربه موت
رئيس قسم هو وهي: داليا طه
