اشتغلت وانا فى رابعة إبتدائى
مسابقه ملكه الأناقه هى المسابقه الوحيده فى مصر التى قدمت دورات تأهليه مجانيه
هناك شباب كتير محتاجين لحد يوجههم صح
من شروط المسابقه حسن المظهر واللباقه
هدفى من المسابقه الارتقاء بالذوق العام و بدور المرأه فى المجتمع
بتجاهل اى نقد هادم
اشتركت فى جروبات كتير للاعمال الخيريه
مواصفات ملكه احلامى تبقى زى امى
أحلامى على المستوى الشخصى اقدر افيد الناس ويستمر حب الناس لى
حوار غاده إبراهيم
أثرت الثقافة الأجنبية تأثير سلبى على شبابنا ، فقد اعمت التكنولوجيا عيونهم وقتلت روح الابتكار لديهم،وانعدم تاثيرهم الايجابى فى مجتمعهم، فاصبح اعظم احلامهم ان يطول سلك شاحن هاتفهم او وجود عروض على باقه النت، ولكن على الجانب الأخر نجد أن هناك القليل منهم يعدوا نماذج مشرفه لبلادهم، ولهم تاثير ايجابى على الاخرين ومنهم محاورنا اليوم صاحب مسابقه ملكه الاناقه محمود نجاح والذى له العديد من النشطات التى سيعرفنا عليها فى هذا الحوار الممتع اهلا بحضرتك استاذ محمود .
حدثنا عنك فى سطور؟
محمود نجاح شاب عادي جدا بشتغل من صغري من رابعه ابتدائي مارست مهن كتير جدا واكتر مجال خد مني وقت في الشغل كان التسويق المباشر واعتماده الاول والآخر دايما لازم يكون عندك فكر جديد وبطرق مختلفه محترمه لازم تقراء كتير وتابع العالم حواليك عمل ازي وطور من فكرك عموما بحب التفكير.
مسابقه ملكه الأناقه حديث الإعلام والصحافة حدثنا عنها؟
مسابقه ملكة الاناقه وبالنسبه لشهرتها ..جميع انواع الشغل محتاجه لتحديث مستمر في ادارتها لازم تجدد من محتوي المجال اللي بتشتغل فيه او بتحب تكون فيه سبب الشهره علشان كل موسم عندي لازم اقدم الجديد والمختلف … الموسم الثالث حاليا المسابقه الوحيده في مصر قدمت دورات تأهيلية مجانيه دورات في .. علم النفس الإيجابي في التنميه البشريه وتطوير الذات والثقه بالنفس في مجال السمنه والنحافة في تحديد الشخصيات انك تعرف شخصيتك عباره عن اي وهدفك اوي توصله ودورات تسويق اوي تنجح في شغلك وميكونش عندك يأس وتستمر … كل حد أتقدم للبنات مجانا علي يد متخصصين في كل مجال مذكور … وده خلق روح التنافس المحترم والحماس بين البنت وطلبه مني انهم يقدمه مبادرات تحت اسم المسابقه وبالفعل … تم زياره مستشفي بهيه والتبرع ليها من 20 متسابقه وتطوع بعض البنات في المستشفي وتم زياره مستشفي أبو الريش والتبرع ليها من 30 متسابقه وتم زياره مستشفي 57 والتبرع ليها من المتسابقات وتطوع بعض المتسابقات فيها.
في حين أن أغلب البنات اللي كانت في المسابقه كان الاحباط واليأس مالكهم في البدايه علشان الحياه العاديه اللي بيمر بيها أغلب شباب مصر، الدورات غيرتهم 180 درجه من اليأس الي حماس وتفائل وعمل وحب بلدهم اكتر واكتر، وللعلم كل البنات دي متعرفش مين هيكسب منهم علشان لسه التصفيات هتكون في شهر 2 القادم.
المعني من الحديث ده ان شباب كتير جدا محتاج حد بس يوجهم صح ويفهمهم ويتكلم معاهم ممكن وقتاها يبنو هرم تاني عندنا طاقه بس للاسف محدش بيوجها.
ما شروط الدخول إلي المسابقه؟
السنه من 18 الي 33 .. محجبات وغير محجبات … حسن المظهر واللباقه …. علم والي الأمر بشتراكها في المسابقه …. يكون عندها هدف لخدمة المجتمع …. الطول يبداء من 160 والوزن يناسب الطول… مؤهل جامعي او تدرس في جامعة.
حدثنا عن الموسم الثالث ومفاجأته ؟
الحديث عن الموسم الثالث كان كله مفاجأت، زي الدورات المجانيه ولسه مستمرين في المفاجأت و الله المستعان.
ما الهدف الذى تسعى لتحقيقه من خلال المسابقه؟
الارتقاء بالذوق العام وتقديم طاقات الشباب في حاجه تفيد المجتمع كله وتفيد الشخص نفسه بدل بث الروح السلبيه في الجيل الحالي، والارتقاء بدور المرأة في المجتمع بستمرار.
هل واجهت صعوبات فى مجالك حروب جعلتك تفكر فى تغيره؟
في الانتقاد وده مش ببص ليه بتجهله …. لكن النقد بسمع ليه وطبعا قبلت جروب كتير بس خالص شاب من صغره بيشتغل رابعه ابتدائي بيتهيقلي اتعود علي اي حرب نفسيه واتعودت دايما ابتسم وأسلم امري لله واتعودت ابص ادامي وأسلم شئ للرد علي اي حد بيحربك هو الشغل ثم الشغل بس ترد بالشغل.
لك العديد من الأنشطة حدثنا عنها؟
فتره لمدة 10 سنوات كنت متنقل بين جروبات الاعمال الخيريه وكنت أدمن اكتر من جروب وبعد ماخرجت من كل الجروبات انا واصدقائي مستمرين في الاعمال الخيريه علي اد مانقدر وكله من فلوسنا حتي لو جنيه برده بنفع بيه غيرنا ….. وكنت بعمل رحلات داخليه كتير انا وأصدقائي وجروبات من فتره كبيره اماكن اثريا او ساحليه الخ … ويفكر ارجع تمرين الملاكمه تاني.
حدثنا عن الملاكمه كرياضه مارستها ؟
فتره كبيره قاعد العب ملاكمة وبتنقل بين الانديه حوالي 9 او 10 سنين مش فاكر السنوات بظبط وعلمتنا حاجات كتير ظبط النفس والصبر.
ولماذا توقفت عن ممارستها؟
انشغالنا والشغل خد اكتر وقتي مستمرتش.
هل انت راض عن ما وصلت اليه؟
راضي علي ما حققته … طبعا الحمد لله بس لسه مش راضي، واتمنى تحقيق المزيد.
ما اكثر شىء ندمت عليه فى حياتك؟
اكتر شئ ندمت عليه اكيد في كتير حاجات بتعدي ومش بنكون عملين حساب ليها ومع تقدم السن بنندم عليها بس الندم بابه مقفول عندي دايما يكون باصص ادام اللي فات انتهي خلاص وبرده كنت بدرب نفسي علي كده كتير قفل الماضي نهائي، يعنى نقول مفيش حاجه ندمت عليها الحمد لله.
ماذا لو عاد بك الزمن للخلف ما الشىء الذى ترغب فى عمله؟
لو رجع بينا الزمان تاني هقول لأمي والله بحبك اوي، الله يرحمها.
ما هى مواصفات ملكه احلامك؟
موصفات ملكة أحلامي مفيش مواصفات محدد هقول نفسي تكون زي امي الله يرحمها وده شئ نادر حصوله.
ما هى احلامك على المستوى المهنى والشخصى؟
أحلامي علي المستوي المهني اكيد مش هعرف اوصفها علشان كتير جدا جدا جدا، علي المستوي الشخصي تفضل الناس تحبني وانا افيد الناس برده وانجح في حياتي اكتر واكتر.
أسعدنا وجودك معنا وبنتمني لك مزيد من النجاح والتقدم… 
