سالم عباس الشولحى
ياما عانيت
وديمة الصبر للنا عنوان
ياما من امواجع ريت
والحمد سيمة كل انسان
لا يوم مره فيه نخيت
جانى من الهموم طوفان
من الأعوام اربعين عديت
امواج ابحورها بلا شطئان
احمول اجبال وبها ابقيت
نكتب وحرف الحزن فنان
واجد من الأحلام تمنيت
تكسرت على ابواب الاحزان
كريم لكن ما لقيت
عطا تفريج كى بستان
ان كان يوم معروف رديت
مكتوم الود لا ريا ولا اعلان
لا يوم على ضعيف اعليت
وفى البشر اقل انسان
لكن ارجولتى بها تخطيط
فوق الوصف والميزان
لا يوم قوقحت ولا ارضيت
انواطى لغنى عالى الشان
نحترم الفقير ولو قالوا عبيط
مربانا الأخلاق هى عظيم الشان
ان كان يوم قسملى ربى اغنيت
ناخد معاى اصحاب وفلانة وفلان
والشدايد اللى بها غضبت واهديت
صبوا بها عدد كفى فرسان
واعداد من الذاكرة انسيت
كان مبداهم تغفيل وخذلان
ولا يوم غرت ولا ابغيت
انكون كيف افلان او علان
لا يشغلنى شهرة ولا سيط
ولا تمييز وسط عربان
ان كان يوم صح اشكيت
كانن ادموعى للواحد المنان
لا نريد من الدنيا حواديت
ولا يقولوا كان وكان
المقصود بالعلو ان كان اعليت
يبقى رضا والدينى والرحمان
.
.
