•رحاب أبو طالب زى أى بنت بتحب الموضة والأزياء بس عندها موهبة.
•تشجيع جوزها هو سبب نجاحها.
•تأثرت بالمصمم العالمى اللبنانى زهير مراد.
•مصمم ناجح يعنى(موهبة+دراسة)
•تتمنى أن تصمم الإعلامية دعاء عامر والفنانة حنان ترك.
•الموصة تتدنى لزيادة موجة تقليد الغرب.
•تترك لمتابيعها ومحبيها حكم هل أضافت للموضة أم لا.
حوار إسراء أحمد
رحاب أبو طالب موهبة فنية رائعة فى عالم الموضة والازياء،تتسم تصاميمها بالعصرية الممزوجة بالحشمة وعدم تقليد الغرب وذلك ما يميزها عن باقى المصممين وايمانها بالعمل والجد والموهبة هم أساس المصمم الناجح،فكل منا يبدع فى مجاله ليصل إلى اقصى طموحه ،فطموحها الوصول الى العالمية والتميز.
من هى رحاب أبو طالب؟
رحاب ابوطالب زى اى بنت بتحب الموضة والفاشون وتنسيق الملابس بس حبيت الموضوع اكتر شوية وحبيت انميه ودرست دراسة حرة فى فن الازياء والباترون وبدأت في المجال گ عمل من 2014 .
متى اكتشفتى موهبتك فى تصميم الازياء؟
اكتشفت الموهبة دى فى مرحلة ثانوى كنت بعمل ميكسات الوان غريبة فى ملابسى وكانت بتعجب الناس جدا وكنت بشترى الملابس الجاهزة واضيف ليها تطريزات جاهزة بايدى أو كولف دانتيل أو فيونكات يعنى كان ضرورى احط التاتش بتاعى فى اى لبس وحتى الآن وده اللى خلانى افكر فى المجال گ عمل .
من الشخص الذى ساعدكى لتنمية موهبتك؟
* الفضل كله لله ثم لزوجى الذى طالما ساعدنى ودعمنى معنويا ومازال .
من المصمم الذى أثر على تصاميم رحاب أبو طالب؟
*من اكتر المصممين تأثير على أعمالى المصمم اللبنانى زهير مراد
ماذا عن اول تصميم لكى؟ وكيف اقنعتى الجمهور بتصميمك؟
*اول تصميم كنت بجمع فيه بين اللى محتاجاه كل فتاة فى قطعة ملابس لأنه كان دريس قطعتين فى قطعة واحدة هو عبارة عن فستان ومتخيط فيه شيميز ويظهر كأنه منفصل تماما لاكنه عملى ولا يحتاج لأى قطعة أخرى وبين الأناقة والحشمة مع بعض
أقنعت الناس بتصاميمى لانى حسيت بمعاناتهم فى اختيار قطعة ملابس مكتملة.
ما هى وسيلتك لتسويق تصاميمك المختلفة؟
*بتواصل مع عميلاتى عن طريق صفحاتى عبر الفيس بوك وحسابى على انستجرام ولله الحمد قدرت اوصل ليهم افكارى.
ما رأى عميلاتك فى تصاميمك المختلفة؟
نالت اعجابهم فى وقت قصير جدا ولو تأخرت فى نزول تصاميمى اجدهم يبحثون عنى.
هل تجهزى لتصميم جديد؟
نعم فاحدث تصاميمى الآن هى فى غرفة العمليات الان وتحت التجهيز وان شاء الله هشارككم في اخبارها فور تجهيزها .
طبعا متابعة خطوط الموضة أى من خطوط الموضة اتأثرتى بيها فى تصاميمك؟
من المهم والضرورى أن أكون متابعة خطوط الموضة باستمرار كى استمر فى مواكبة الموضة بالرغم من انى اعتمد على نفسى فى جميع تصاميمى لاكن لا مانع من مواكبة الوان وخط الموضة العالمية.
بما تتسم تصاميم رحاب أبو طالب؟وهل تختلف عن باقى المصممين؟
تصاميمى بفضل الله تتسم بالتميز والاختلاف وتركيزى على كل ما تحتاجه المرأة فى من أناقة وزوق واحتشام وعصرية فى أن واحد فى اختيار لبسها ،نعم أختلف كثيرا فكل مصمم له إبداعه الخاص به.
هل برايك الموهبة فقط هى التى تصنع مصممم ناجح؟
مصمم ناجح يعنى موهبة + دراسة الموهبة لوحدها لاتكفى والدراسة كمان لاتكفى لتكوين مصمم معاصر وناجح.
ما الذى يميز رحاب أبو طالب عن جميع مصممين الازياء؟
اللى بيميز تصاميمى هو مزج الحشمة بالعصرية والاناقة ده اللى طول الوقت بفكر فيه واتعرفت بيه على مستوى عملائى ومتابعي.
من الشخصية العامة او الفنانة التى تتمنى أن تصممى ملابسها؟
من الشخصيات اللى بحترمها جدا واتمنى اصمملها الإعلامية دعاء عامر والفنانة حنان ترك وسبق ولبست من ديزايناتى الإعلامية الجميلة والمحترمة ايمان رياض.
ما رأيك فى صيحات الموضة المختلفة حاليا؟
رأى فى الموضة حاليا بمنتهى الصراحة هى بتتدنى لزيادة موجة التقليد للغرب والمشاهير دون الرجوع لعاداتنا وتقاليدنا گ مصريين أو عرب .
هل تعرضتى لصعوبات او مشاكل فى حياتك المهنية؟ وكيف تغلبتى عليها؟
اكيد كان فيه صعوبات كتير خصوصا فى التصنيع لان الموضوع مش مقتصر على التصميم بس فيه مراحل كتير بيمر بيها الديزاين علشان يطلع للنور وكانت من ضمنها انك تلاقى صنايعة شاطر يخرجلك قطعة ممتازة تنافس العالمية هو فيه بس قلائل وانك تسوقى لنفسك اون لاين كمان شئ مش سهل خالص.
ويتغلب على كل ده بأيمانى أن لكل مجتهد نصيب وانى حابة عملى وان اصدقائى وزوجى وأهلى بيشجعونى ويدعمونى الحمد لله.
ما هى طموحاتك فى عالم الأزياء والموضة؟
طموحاتى أن اوصل للعالمية وأن امزج دائما بين العصرية الحشمة التى تناسب جميع صيحات الموضة،فطموحتى لا حدود لها.
هل أضافت رحاب أبو طالب لعالم الأزياء والموضة؟
مش هقدر أقول أضفت للموضة ولا لأ أترك الرد لمتابعينى.
فى النهاية أشكر مصممة الازياء رحاب أبو طالب وبالتوفيق وفى انتظار أحدث تصاميمك.
