بقلم: مجدي الجندى
هاتكتبيلي
وهانقري ولا تحفظي
شعري ومواويلي
وهاتوصفيلي
ولا الحنين ..حايهدك
خلاني من لوعتي
بسمع صدي نبضك
وهاتحكي عن شوقك
ولا الليل بيصدك
ياللي ليالي البعد
بتغزل نورها من عينك
أمانة تبقي تطبطبي
علي ليلي وعلي ويلك
خلي حروفك بلسم
علي همي في بعادك
شوفت الحروف مغزولة
وملفوفة في سهادك
لمي سهاد الليل ..وافردي الطرحة
جاية النجوم تخده ..ومعاها مية فرحة
بتوصفيلي ازاي بتقضي لياليكي
دانا موصي القمر يفضل يلاغيكي
ويرمي علي مخدتك بدل الدموع نوره
ويقول لنور الفجر..سلم علي قلبها
امانة لتزوره
بكرة تهون الايام..وتقصر المسافات
وقلوبنا تتقابل…. تحكي عن اللي فات
رئيس قسم انت الحياه: داليا طه
