بقلم/إسراء أحمد
كركبة ولغبطة جوايا أنا
وكأنى أنا مش أنا
حد تانى معرفهوش
بقابله فى الطريق وكأنى مشفتهوش
أبص فى مرايتى ملامحى كتير اتغيرت
من بره ملامح بنت فى ال20 سنة
ومن جوايا عديت ال100سنة
القلب شايب والشعر أسود وبلمعته
الضحكة مرسومة بس من جوه مسجونة
وكأنى مرهونة تحت سقف الزمن
سجينة واتحكم عليا بالسجن لمدة معرفهاش أنا
والحكم غيابى ومتأجل لحين من الزمن
يا ترى ايه السبب
قلب خاين ولا جرح فاير ولا ذكرى عدى عليها مليون سنة
ولا حب قديم بالصدفة شوفته هنا
ولا مبادئ بتتأثر وأصحاب بتتغير وأحباب بتهرب ولا مصالح بتكتر ولا ولا ولا ولا
كتير ولا
لكن السبب ان جوايا لغبطة وكركبة وحاجات كتير كنت فيها السبب
والحكم زى ما قولت متأجل لحين من الزمن
أحبابي رفعت الجلسة.
