صائغ القوافي الشاعر
فهد بن عبدالله الصويغ
أعشقك يامنى النفس بكل مافيك
و أعشق القمر اللي يمر بلياليك
لو الكون كله في يوم باعك
أنا يا غلاة الروح بالروح أشتريك
ما يساون يا زين طرف صباعك
ولا يستوي الكون بلا مرواسيك
أنا أشهد إن الشمس من شعاعك
وإن للقمر ضي من غمزة عينيك
عشقت فيك حسنك و كل طباعك
و عشقت يا نزهة الروح طاريك
أحلى لحظات العمر هي سماعك
و لو تغيب عني بالعمر أحتريك
منا بعاشق لو أحب يوم إخضاعك
العشق عندي على الروح أبديك
ليت تخبرني عن أسباب انقطاعك
وأنا من جعلت كل مابي يفاديك
طمني يا غزال البيد عن أوضاعك
ولو زعلان مني بالعمر أراضيك
لو كنت بيوم من أسباب أوجاعك
أعتزل دنيتي واغيب عن روابيك
بكثر عشقي لك صرت مطواعك
ولا أقدر في يوم يا زين أعاديك
تدلل يا حب وأرفع فوق شراعك
و برغم أنفي بكل غرامي أجيك
إطمع فيني وحرك جميع أطماعك
دامك دنيتي وروحي وانا مغليك
لا يهمك عذول يتمنى خداعك
انا ياشمس عمري بعمري مشتريك
3-2-2018
