كتبت/إسراء أحمد
جدتى العزيزة
ماذا عن حفيدة اشتاقت لرؤياكى؟
اشتقت أن تعانقينى
لو أنى اعلم انكى سترحلين دون عودة لعانقتك كثيرا وتوسلت لكى ألا تتركينى
جدتى العزيزة فى ذكرى وفاتك حبيت اقولك انى عمرى ما نسيتك.
وانك وحشتينى وبجد نفسى بحنانك ترجعى تضمينى.
أنا بزورك فى قبرك وبحكيلك واشكيلك.
وببقى نفسى بايديك تلمسينى وتطبطبى عليا وتواسينى
أنتى أكيد بتسمعنى وبفضل مستنية كتير كتير على أمل أنك هتطلعيلى وعمرك تانى ما هتسيبينى
الدنيا من غيرك عتمة مفيهاش نور
من غيرك أرض بور
من غيرك الورد دبل والزرع زعل
والعمر كأنه واقف ما بيمشيش
ده حتى سريرك زعلان عليكى وحزين
وجلبيتك والله لسه بحطة إيدك وريحتك لسه فيها
كل يوم بدخل اوضتك واقعد مكانك على سريرك وأجيب صورتك وأقعد اكلمك كأنك بتسمعينى
قد ايه كنتى حلوة وابتسامتك جميلة
فاكرة ازاى كل الناس كانت بتحبك وتجيلك
ولحد النهاردة سيرتك لما بتيجى الكل فاكراك وبيدعيلك
أنتى وحشتينى ارجعى بقا طولتى أوى الغيبةولا أنا اللى اجيلك
انتى اكيد زى زمان بتلعبى معايا الغميضة وتغيبى تغيبى والاقيكى راجعة تانى وبتمسكى فى ايدى
فاتت سنين وسنين بس عن بالى مبتغبيش
فاكرة ضحكتك ولمسة ايديكى كانو بيملو عليا دنيتى ووحشة سنينى،فاكرة لما كنتى بتقوليلى أنا هلبسك الفستان وبايدى هخطبك وهخترلك عريسك
جدتى أنا زعلانة منك عشان من بدرى سبتينى وانا فى حياتى محتاجة ليكى،ونفسى زى زمان تحكيلى حدوتة وتقوليلى توتا توتا فرغة الحدودته
